每次打親qooza ，都係想打哂d心事出黎
唔好睇我份人好隨和，咩事都唔介意
其實我份人係好小氣，而且非常臭皮氣
為左一件小事，我可以炆好耐
唔開心，又只係識鬱係個心入面
扮到好似無事發生甘
我份人虛偽，愛面子
最憎人應承我既野唔做
但一切一切都俾我收哂係心入面
細個個陣，我皮氣唔好，一炆起上黎就做傻事
記得有次，我有次發皮氣
炆到夾斷自己隻手指
甘就留底左一生既烙印
我後悔左件事好耐
所以，我依家d情緒都變得內歛
對朋友，我係一定忠誠
就算係大話，都只係善意既大話
我唔想失去我既朋友
我對住自己鐘意既人
係真心真意為佢好
想佢笑，想佢可以過得開開心心
見到佢同其他男仔親近
真係好容易就down哂，自動變左路人甲
由第一次自己睇個套貞子3D開始，
我就鐘意左自己一個睇
因為可以欣賞套電影，又可以消磨成2個鐘
琴日睇左車手，都算5錯
我約過好多人去睇套貞子3D ，當然亦包括我鐘意個女仔
不過最終都係無人陪我去睇
個晚心情真係差到谷底，飲左好多酒
先傻更更甘去何里活睇午夜場
成個場一條友都無既感覺真係好孤清
睇完套戲，就發覺一個人睇戲既感覺真係好正
所以，我無唸過會再約人去睇戲
但睇完貞子之後個日要返早
勁無精神，係甘係度食煙提神...
真係好累，身心都好疲倦
我記得你話過，我剪完頭髮之後
我會有女仔鐘意
但我自己知自己事
我本身唔令仔，我對剪完頭髮既自己真係無信心
我唔想到時我咩都得唔到，反而失去左d頭髮
頭髮係我自信心既來源
我敢面對一切，都只係長頭髮帶俾我既自信
仲記得小學個陣，我成日俾我阿爸捉去剪頭髮
剪到差唔多光頭，小六個陣更加俾阿爸捉左去剪左個柒頭返黎
我俾d同學笑左好耐，令我完全失去自信
行路都只係敢望住塊地下行
只此，我唔想再同我阿爸講野
慢慢，兩父子關係變得疏離
甘就六年，連父親節都好似唔存在
到依家，直程係陌生人
每日返工放工，根本無見過佢
唯一只有那僅餘的血緣關係存在
我鐘意飲酒，係因為飲酒可以麻醉自己
我唔係個d大男人，飲酒黎表示自己好酒量
其實我酒量好差
飲一支就己經暈暈地，但我絕對唔會醉到無哂意識
因為我知道我一醉到無哂意識，就保護唔到自己
每當我一唔開心，我見酒就實飲
因為酒精是一種非常好的麻醉劑，特別係內心既痛
話說我之前同班兄弟講過，我7月22之前一定要溝到女
不過真係講下~_~
無感覺既女仔，我最多只會同佢熟
只有真心鐘意既女仔，我先會真心去追
不過我依家咩都唔會做，因為我知道個女仔唔鐘意我
我放棄 一切順其自然
無拖拍米無拖拍，好大不了咩~_~
其實做單身寡佬真係唔錯
有班兄弟陪我:D
不用每天也相見，感情依舊常在
21號夜晚隊酒
22號op 夜晚隊酒
23號唱k 夜晚隊酒
18歲生日，我要玩盡佢:D
唔知到時有無生日禮物呢a_a ?
|
