“下載左隻temple run黎玩, 我睇唔透 

Temple run冇爆機, 冇過關, 只有無盡既路要你跑 

大部份既香港人都係同主角一樣, 由零起步 

係路程上, 你永遠只有自己一個 

你跌倒, 冇人扶你一把, 只有幾隻抽水怪物落井下石係後面搞住你

你生存既意義, 就係要搵錢(coins) 

然後投資(upgrade), 幫助你搵更多既錢 

你有錢, 就可以跑遠D, 跑快D, 又可以拎多D分 

但原來仲有一大堆已被設計既任務要你去達成 

你達成得越多, 就代表你人生越成功 

而偏偏呢D任務都係要你搵幾多錢, 同跑幾遠

係呢個遊戲裡面 

你冇選擇, 只有不斷跑 

唔好同我講跳唔跳同幾時跳係一種選擇 

呢種只係你為左生存既本能動作

或者你遊戲入面唯一既選擇就係向左跑定向右跑 

但你永遠無辦法逃離 

而且永遠永遠只有一個結果, 就係死 

因為隻game所有野都係為左整死你 

睇下你係仆死, 比怪物搞死, 定撞牆死 

你死左仲會有幅圖話你轉唔切灣所以仆落街 

我做左三十年人我諗唔到究竟有咩遊戲比temple run更加有悲劇主義, 更加有黑色幽默 ”

完全同意...

COPY FROM 香港人SECRETS