去迪士尼~去迪士尼~去迪士尼~去迪士尼~
嘻嘻~星期三去左迪士尼
朝早8點就出左門口~我幾驚落雨呀!
不過岩岩整完牙..仲係好痛..所以朝早無咩精神
搭左陣車~真正入到去啦~就好返好多~~
我張飛係米奇呀!!^^
一入門口..就係美國小鎮大街..無咩野睇..行幾分鐘就行完
係d紀念品好靚姐~行下行下~
就去左幻想世界..即係公主城堡
我仲發生慘劇..撞到頭頭..嗚嗚
係呢度我影左好多相
我第一個玩既野係小熊維尼歷險之旅
真係好鬼cute~~不過冷氣凍左少少
跟住我就瘋狂影相..仲影到俾人影返都唔知
玩完小熊之後我就去左玩小飛象啦~
好有趣既一個game~
up up and down down~~
跟住就玩左mandy既game~~灰姑娘旋轉木馬
d馬我覺得整得無海洋公園咁靚
不過見係mandy既game咪玩囉
跟住就去左睇3D電影
好睇過機場多多聲
仲玩左旋轉杯&同好多公仔影左相
係呢度留左一陣就玩完
其實所有地方行既話好快行完
我差唔多所有game玩2次都仲有好多時間
我之後去海盜世界
玩森林之旅..見到個導遊叫samuel
講好多爛gag..
係海盜世界睇左個獅子王慶典
跟住仲睇左個米奇金像獎
就去玩明日世界既game lu~~
一開始玩左個stitch既game
我仲成為左佢既女朋友添~~哈哈~
幾搞笑~跟住就去玩全遊樂園最刺激既game
飛越太空山..幾刺激~~好好玩~~我仲玩左3次添
巴斯光年果個都幾好玩~我最高記錄LV 5
叻叻~~不過由今日開始我決定討厭高飛狗
因為佢潑我水..仲真係濕哂個隻..哼哼
玩完..食左d野..就去左睇巡遊
真係好靚~~係呢度好似變返個細路咁
無煩惱..好開心..好多野都唔使諗
亦唔使怕人地既目光
因為大家都係咁..好天真..好可愛
玩左成日..最後既煙花真係好值得睇
好靚..好感動!!
頭先果度d相只係好少好少~
想睇就去我相簿睇啦~
password:1314
|
