跟住玩"千禧盾"我哋班又贏,
到最尾落去集隊,啲長跑"Sam．許"攞晒,
"分數全場總冠軍"係我哋班攞,
於是全班出去影相,跟住去食糖水,
約咗"阿華"一齊嚟食,
成班五甲塞爆出面啲枱...何其壯觀......
之後就我哋"圍內嗰個"搭巴士走人

以下係唯一一張喺"滿記"度影嘅
"華爺與我" 合照


好喇！校運會又圓滿結束喇！！！
如果有機會參加下年校運會...
我一定參加到爆晒個限額！！！！！！

玩咗陣,鄧生要去跑一百米欄,
開頭我哋都好緊張,不過最尾"好gag",
Why?因為鄧生本來第三,但由於
本來第二嗰個"Kick"欄"趴咗街",
所以鄧生就由
本來銅牌得主..."榮升"成為銀牌得主......
堯爺睇到咁嘅悄況就即時重覆咁話：
「頂∼個銀牌要人哋仆街先攞到！
呢個係仆街獎嚟架！！！」
(以上言論在不定時X無限次地重覆)
鄧生返嚟就俾大家不停討論+歡呼,
跟住之後啲長跑我哋班就"贏開巷",
呢點要多謝"Sam．許"喇！
留前後爆200米有,爆足全圈亦有

今朝約埋榮爺坐小巴去西貢,
去到之後就一齊去"M記"
買咗個"火腿扒蛋芝士扭扭粉"攞走,
攞到返去就同榮爺一齊慢慢嘆,
食完就拎咗副啤牌搵人"鋤Dee",
點知俾Miss話收...我即時收返埋,
跟住有人攞UNO,我又加入狂玩