今日一起身 我阿爸喺度 我又唔開得電腦啦...
我唯有睇琴日我阿妹俾我果本「達文西密碼」
佢話好恐怖喎...
跟住我阿爸走左 我就開電腦啦
on到3點幾倒 我就俾左我阿妹玩
我就一直等到5點 冲同我講話去北角打波
佢話佢個姑丈都會黎喎...
我搭42號 架車唔知做咩勁慢 去到都已經6點啦 俾佢小...
之後打波 佢個姑丈真係好勁 冲都輸俾佢
打到8點 搭41A走左
番到屋企 9點 食完野 沖涼
沖完涼又on左一陣 就睇果個「老馮日記」同「電車男」
跟住就打左呢篇日記
又係好掛住阿純...
今日我阿爸9點幾叫醒我 話唔可以訓咁耐喎...
我起身 刷牙洗面食野
以為今日會好似平時咁悶 但係到中午卑卑send左個網黎
玩pokemon個喎...玩左陣又覺幾好玩
玩到3點幾4點 我阿哥個friend搵左個變魔術ge網(http://www.youtube.com/results?related=Cyril%20Takayama%20japan%20magic///&sort=relevance&page=1)大家上去睇啦
睇左陣 冲搵我去打波 我落左去打
打到6點幾 上黎 同阿妹爭玩電腦 我win左
開msn 睇個魔術 好勁條友...
識我o既人都知我唔係自私o既人
所以我就俾左個網俾卑卑 fion 冲同埋daisy
fion話睇唔到 咁就可惜啦
而冲就好串咁話唔睇
大家有興趣ge話就上去睇啦 係咁多 我未做功課
今日又去楊聰屋企啦...去過好多次
本身想做埋個專題研習 不過玩玩下又5點幾...
我今朝一出門同阿爸好口響咁話6點幾番
但係...所以我就話佢個菲傭唔記得買材料囉...唔好怪我...
跟住我地整左d野食 其他都係佢個菲傭煮ge...
我地好開心咁食完 跟住先發覺唔記得影相= =
我諗「咁我地黎做咩= =」
之後楊聰同我地講話佢煮埋淨番果d野
我地走果陣 9點啦...call的士走
等左差唔多15分鐘先黎到
跟住楊聰同我地講話去左跑馬地果到先
見到佢阿媽 佢阿媽好好人
同我地傾左陣計 走果陣 仲俾錢我地搭的士添
之後同朱仔搭左去海怡 再番屋企
番到屋企都10點啦...
沖涼 開電腦 又諗番起個小說
諗:「我個99分幾時出現呀...」
講番琴日先 琴日我阿妹番左黎 好嘈
夜晚睇果個小說(叫『阿藍一年間的紀念冊』我相信好多人睇過)
睇到最尾果章 我忽然聽到廁所有d水聲
所以就急急咁訓左覺
今日唔算太悶 不過我阿妹琴日番左黎
我玩電腦o既時間少左好多
冇玩電腦果陣 同朱仔傾左陣電話
傾完冇野做 悶得仔去煮公仔麵食囉...
食完睇「多啦A夢」睇完走去沖涼
沖完涼去番黎 坐左一陣就到我用電腦啦
我首先on左先 跟住慢慢睇我果個小說
睇完 好感動
睇埋第二篇添 睇第二篇睇到第二章
冇左第三章喎...果個人又唔更新...
食飯 食完飯又諗番小說入面d情節
我都想有個99分ge gf呀
仲要係好似阿純咁o既添...
今日好似平時咁 都係好悶
朝早睇「多啦A夢」 幾好睇
跟住on 同卑卑同埋阿魚傾計
阿魚話佢俾卑卑整到喊喎...
咁咪同卑卑講囉 佢又係咁say sor
之後阿魚仲del 埋卑卑個msn添...(做得好盡= =)
唉...
on到3點幾定4點 我見阿哥悶到玩gameboy
我咪做好心俾佢玩囉
跟住我同卑卑傾電話 講啱啱佢同阿魚做咩
佢話我難講喎...我就冇問落去
我地繼續傾 傾左好多野 不過係秘密
傾到7點幾 我阿哥都玩夠 我就繼續on
on到依家 食飯 打日記
仲有野up架 跟住夜晚我睇果套「電車男」
覺得佢好慘 成日俾人蝦...差d喊出黎
不過我阿哥喺度 所以忍住左...
之後睇朱仔俾我果個小說網 好好笑
但係諗番「電車男」 又笑唔出...
跟住改番個日記 訓覺
