雞翼Samson
大家黎做個fd la
samson200620 : 個人主頁 - 相簿 - 訂閱  [ QOOZA - 論壇 - 登入 ]
samson200620
暱稱： 雞翼
性別： 男
國家： 澳門
地區： 花地瑪堂區
«‹ August 2024 ›»
SMTWTFS
123
45678910
11121314151617
18192021222324
25262728293031
占卜下啦^^
最新文章
•返工嫁辛苦
•得閒無野做
•離職日
•返工日
•無事做
訪客留言
最近三個月尚無任何留言
每月文章
好友名單
最近訪客
最近沒有訪客
日誌統計
文章總數： 68
留言總數： 408
今日人氣： 11
累積人氣： 5441
2009 年 4 月 21 日  星期二   晴天


comebuy最唔開心ge一日.. 分類: 未分類

今日一樣照常返工..與同事一樣有講有笑..

我就好似平時一樣做好自己ge事..

直到9點...唔開心ge事黎la...本來傾傾下計..都無野..

之後我地大家都有玩信長..就係個陣..

我順口一提..跟住阿聰就將我琴日遊戲ge過程講左出黎..仲話我呢樣..就話我個樣..

跟住我就同佢理論左一陣..越講越大聲..跟住就嘈埋..

個陣都ok多客係度..我地好大聲咁鬧對方..

我知阿聰係一個火爆ge人..唔比人話得..

我就係咁話佢..佢就越黎越嬲..仲有唸住打我添..

但我一樣唔理..照鬧...

之後有客要點飲料...我就落單..就停左一停..

我轉返過去..個副管就即刻叫佢入左廚房做野..

我就停左落黎..跟住上去食煙..副管就同阿聰講野..我就聽唔到佢地ge對話..

之後落返黎見到佢ge惱氣好似無咁大了..一定係個副管搞鬼..

我一樣無理會佢..直到副管收工了..就同我講沉住氣..

之後就淨返我同佢了..之後佢就問我一句..業績幾多..我見佢都同我開口..

我就廢時咁串唔理佢..就同佢講返之前ge事..

就平靜咁理論個件事..原來大家都誤會左..

之後就算了..只從呢件事之後..

我發現我原來咁唔識死..kaka(因為阿聰好鬼打得)

 
發表時間：2009-04-23 04:24 AM  [ 訪客留言(8) ] [ 編輯日誌 ] [ 分享至FACEBOOK ]
2009 年 4 月 19 日  星期日   雨天


親戚ge來臨(下) 無奈 分類: 未分類

今日係舅母逗留澳門ge第二日...但唔開心ge事就係今日發生..

今日我都係照常咁收工返屋企..但今次見吾到舅母..

原來佢黎ge第一日就去左賭場輸曬d錢....

呢個都唔係重點..最嚴重ge係..本來係婆婆都黎玩ge..

但係佢張証過左期...本來咁都無計...但係最可惡ge係..

舅母竟然將一個90幾歲ge老太婆...要佢一個人坐長途車返廣州...

如果有咩事點算..之後我媽都忍住..見佢輸曬d錢..就比左兩千蚊佢..

叫佢即刻返去...叫佢唔好再賭..如果唔係就要佢自己行返去廣州..

我都希望佢真係可以忍住手唔好再賭了...

從呢件事之後..我本身幾仲意ge舅母..而家係我心目中已經毫無地位了
發表時間：2009-04-20 07:04 AM  [ 訪客留言(2) ] [ 編輯日誌 ] [ 分享至FACEBOOK ]
2009 年 4 月 18 日  星期六   晴天


親戚ge來臨(上) 分類: 未分類

今日係星期六...我廣州ge親戚黎澳門玩..

有婆婆..有舅母..兩個人..晚上九點幾..呇a終於落到黎la..

當時我仲係返緊工..我媽媽又係公司未收工.....但無理由要呇a企係條街到等...

我為有當comebuy無咩人ge時候..就趕返去開個門比呇ala..

等呇a入去休息下...但一去到..淨係見到舅母..婆婆就唔知係邊..

但係我都無時間理會..就立即飛返comebuy la...

直到收工..我返屋企..就見唔到呇a..我以為呇a訓左..就唔理la..

我都上左一陣網就訓la

 
發表時間：2009-04-20 06:30 AM  [ 訪客留言(0) ] [ 編輯日誌 ] [ 分享至FACEBOOK ]
2009 年 4 月 3 日  星期五   晴天


大學生活 分類: 未分類

今日我去睇個fd ge日誌..

佢考完試..成身鬆曬..仲話想快d過下大學ge生活..

我就即刻琳返以前ge我...

本來好想讀大學ge..自今變成左一個咁ge人...

有時真係覺得自己好笨...點解要走呢條路呢...

當時咁多朋友比左咁多說話..要我留低..我個陣時琳緊咩...

當時佢地係我最好ge朋友..點解我又唔聽佢地ge勸告...

大學ge生活我琳離我越黎越遠...有時白痴到想短十年命...去換返以前...

但係而家講咩都無..選擇左就係選擇左..講咩都無用...

有時見到d fd話想唔讀書...我都希望用我ge經歷..逐一逐一咁同佢地講..

叫佢地唔好咁衝動...考慮清楚...

廖miss講ge野始終都係一針見血...我d fd升高三...我而家先黎報高一..

琳起都有d諷刺...

點解我為將來琳ge野..永遠係相反...係我ge問題?.定係個天玩我...

我自問都算係一個ok ge學生..點解而家會咁呢...

我日後ge路又會係點呢?
發表時間：2009-04-03 05:59 PM  [ 訪客留言(14) ] [ 編輯日誌 ] [ 分享至FACEBOOK ]
2009 年 3 月 31 日  星期二   晴天


放假 分類: 未分類

今日我終於放假la...

上個星期無得放..今個星期終於可以放返一日...休息一下..

雖然放假..但係都唔知有咩做...都係無所事事..

一訓醒..我老母叫我去唔去食火鍋..我見咁內無陪過佢..

就陪佢去一次..於是我就同高碧去我樓下個間火鍋店到攞位..

個度環境都唔錯..幾舒適...攞好位la..就打比我老母..叫佢落黎

跟住我地就開始叫野食la...我地一次過叫左好多野食...

d野黎齊la..個陣先知.食唔曬要雙倍收費..

嘩!無計..為有拼命食la...我地就一樣一樣咁食曬..

三個都太飽la..無辦法..我地又只好將d野食全部丟曬落個鍋到..當睇唔到就算la..

我老母話去散步走先..就擺低500比我..咁就走左去....

得返我同高碧...食唔曬都無計..只好埋單la...

張單只係2百幾蚊..都幾平..又幾好食...只係d待應服務差左d姐..

之後我就琳下有咩節目..因為之後得返我一個..高碧要去佢個fd ge生日..

丟低我一個...我就自己一個人去僑光到打機...

一個人打機真係實在太悶la....又用得多錢...屋企個電腦又無野玩..

咁我就打比發仔叫佢攞隻手指比我..玩信長...

返到屋企玩左兩場..就頂唔順la...之後我就死去訓la...

今日就係我放假ge節目...

 
發表時間：2009-04-01 04:44 AM  [ 訪客留言(10) ] [ 編輯日誌 ] [ 分享至FACEBOOK ]


« | 5 | 6 | 7 | 8 | 9 | 10 | 11 | 12 | 13 | 14 | »