9/6 練龍好日 龍舟我黎啦!

晨咁早起身 就係為左練龍舟 屈原我黎救你啦!

成世仔第一次同水平線咁近但係又唔係游緊水 個FEEL好正

8個人爬中龍 好吃力 好處係唔沉 夠穩定

我係新仔SO爬龍尾 我同小欣似吹水多過練

奉命黎睇住我地既消防員天佑加入論壇

形成左前面去死後面戲水既局面

爬既時候所見到既野真係嚇得死你

你估唔到既野果到都有 除左恐怖之外我諗唔到有咩詞彙去形容

10點上水去食LUNCH 小欣隻佬係咁發表佢既偉論

特登為枝奶而叫個特餐但係D奶變左質 真係笑死人

12點再番去 幾個消防員變左一隊消防隊

D消防員真係好得意 既電單車一到 成班就衝哂過去

再度落水 變左12個人爬隻中龍 個FEEL立即唔同哂

用既力差唔多 但係隻龍就係咁去係咁去 好有成功感

但係隻龍左搖右擺 D水咁乾淨真係唔多想沉 又紅潮又多垃圾

爬爬下有條明報友仔採訪 比我地扼左上龍 佢坐係個頭係咁影係咁影

又影下紅潮又影下我地 好彩隻龍無翻姐 如果唔係就大獲了

番到家中經已眼訓都咩都唔理 開完門就"砰"一聲"砰"埋對門

FING走個袋 就衝上張床 訓覺ZZzzZZzzZZzz

訓醒到依家都仲好水上人FEEL 但係就未溫過書

唉 唔講了 溫書了 再見

唔知你知唔知我掛住你呢