終於有D時間移動下部腦 太多野要做了

神經緊張咁款 日日為左SU HELPER D野飛黎飛去

黎緊又有F.5畢業盃 忙死了

講番入CAMP先 有興趣就睇啦!

第一日 11月2日

8點到中圈集合 成六十幾人企哂係中圈都唔知做咩

話數人點知數錯 就比劉子插死左

上HALL宣誓+HEA玩 其實有D無聊 但係又要投入 都唔知想點

11點 接我地第一個TASK 好似奪寶奇SHOW咁

3個鐘要去到CAMP SITE+一齊食飯+拎3+買野+諗GAME

趕頭趕命飛去做哂D野 3個鐘安全到達 但係個個謝哂

個CAMP SITE比預期中令十幾廿倍 發夢都估唔到佢咁令

講下D無聊野就PRESENT我地個GAME

其實有D無聊 但係講講下自己都想玩

食完飯去夜行 本來應該會抱住個勁驚既心情去行

但係劉子就話我地要趁呢段時間去諗下我地平時所做錯OR唔開心既野

要我地做一個反思 比一個感性既一晚佢

好認真講句 行上去就咩都諗唔到 反而到左之後坐係到諗野仲好

總算有時間比自去面對一下自己既問題

原來我一直都逃避緊 無諗過去解決

事實係我同我呀媽吵左成幾個星期 我功課跟唔上 SU太多野做 我忘記唔到呀水

之後分享 我第一個分享 唔知點解 我會將我既唔開心講哂出黎

即使係對住劉子 對住一班唔識既人都好 我都講哂出黎

呢一晚 我喊到收唔到聲 其實好多都係咁

但係我覺得我係呢一晚學到既野真係好多好多

劉子既分享更加令我淚如泉湧 連我自己都估唔到

不過講真 呢一晚之後我都好少有咁既機會比自己反思

返到CAMP SITE就開始第二個TASK 寫PROPOSAL

我地條問題難到飛起 我地用左唔知幾耐去PLAN

點知都係比人BENT哂 從新傾過 結果2點先有得訓     第一日完

第二日  11月3日

一起身就要PRESENT PROPOSAL

死撐左好耐結果都訓左 比MISS CHAN影左相 好無奈

我地個PROPOSAL比人插死左 都預左

結果比人問到口啞啞 下晏去玩游繩

如果可以玩多幾次你話幾好呢! 超好玩

不過玩完之後就勁無聊係到等 游完繩就玩我地琴日諗既GAME

我地主持果個GAME比想像中亂 但係唔知點解比想像中好玩

LAST果個其實好好玩 但係D人太矛 但係我又好想玩多次 想比人撞死!哈

晚上BBQ+跳狂歡 即係老師年年都係慈善嘉年華跳果隻

個個玩到HIGH哂 同D老師一齊癲

最後拍VIDEO 人人睇住我地跳 我地又好ENJOY咁跳 咁就一日  第2日完

第3日  11月4日

最後一日 一起身 就知道我地要去行山

成班人浩浩蕩蕩咁出發 條路難行都想死 差錯腳就會碌落去 嚇都嚇死

我未見過D接近90直上同直落既山 行到人都癲

每次諗住行到山頂既時候原來前面有個仲高

完全知道咩叫做一山還有一山高

睇見陳雅施個樣就死咁款都唔知點算好

終於行到山頂 個TASK要我地怒吼十秒

 但係我地個個癲哂怒吼左成40秒

結果全程我地由早上9點行到下晏既4點 成7個鐘

D旅遊巴好笑到行錯路調唔到頭 我地就咁坐到5點

晚上既7點半先番到屯門  第三日完