咁又一年 咁我又係呢一個地球上存在多一年
今年----2007年 發生既事何其多
睇番哂呢一年所打過既日記同埋所寫過日記
我覺得今年好似咩事都發生過咁款 好難忘
睇番d日記 係年頭既時候 我係一個無聊白痴又低B既一個無謂人
到依家年尾 我發覺我既轉變好大 起碼會莫名其妙我成熟了
唔睇番我都唔覺 你可以唔信 但係你大可以睇下自己一年前既xanga or blog 係點打
睇完你就會明白 自己永遠都唔會知 但係當你係第三者既角度去睇 成件事會唔同哂
講真 我自己睇睇下無啦啦傻笑無啦啦會流下眼淚 呢d野 真係無得欺騙人
今年我入左理科班既4B
今年我又入左個OK變態既CAMP 仲入左兩個tim= =(雖然今年無咁變態)
今年我入左忙到九彩既SU
今年我係SPORTS DAY拎左兩個金 wow!!
今年我終於決左志
今年 仲經歷過好多人生既第一次
第一次係1月1日睇一年入面既第一個日出 仲要係我出世以來睇既第一個日出
第一次去爬龍舟 全因為一個好耐無見既老朋友
第一次去了解自己屋企既複雜背景
第一次同老友鬼鬼大談自己複雜既童年
第一次為自己既成績同前途而緊張
第一次一路番學一路番工 好辛苦
第一次同媽媽係條街嘈 好內疚
第一次因為同媽媽嘈所以晚晚3點先番屋企
第一次聽到媽媽講一句真心既對唔住 超感動@@
第一次收到自己賺番黎既錢同埋第一張一千元正
第一次感到咁大壓力 係以前從未試過的
第一次有一個人 係我心入面留下一個咁深刻既印象
呢d第一次 好多都好寶貴
老實講 我因為呢d既第一次學識左好多野
就好似我走左去番工咁 我明白番工既辛苦
當中既辛酸你未經歷過既話就根本體驗唔到
家庭問題 唔知點解 呢一年經歷得特別多
由年中開始就一直煩到我依家 遲遲都未解決
呢一個並唔係我同我媽媽既關係咁簡單 要講既話我諗我打一千字都解釋唔到
為左呢一個家 我喊過無數次 我付出左好多 我亦都撐左好耐
呢一年 我同媽媽嘈左好多次 我覺得好內疚
但係佢亦都同我講左一句真心既對唔住 好感動
因為佢知道我為左呢一個做左好多野
仲有 平時闊佬難理淨係會打機既舅父竟然會同我講一番令人反思既一番話
佢話::無人鐘意窮無人鐘意做足一世 就以我為例 我都唔想做足一世廚房
你番過工 你應該知道有幾辛苦 你讀書辛苦 你呀媽做左咁耐咪仲辛苦!?
再加上我地經歷左咁多野 佢一個女人撐左咁耐 佢都係人 佢都要休息架! 你自己諗下啦""
聽完之後 好感慨 呢一年 對家既感覺...又愛又恨 非常特別
至於朋友仔 今年識左唔少既人
爬龍啦教會啦4B既同學仔啦仲有SU個十三個人仔
佢地個個都對我好好
特別嗚謝SU班人 雖然大家好忙 但係又會互相了解大家互相幫助大家
呢班人 都好值得我去認識
老友記嗎... 不得不跟你們說聲::多謝!!
老友呢家野 緊係要逐個逐去多謝架啦!!
第一個 謝偉傑(係你呀哈)
有一次 有一班人上黎我屋企搞事要搵我媽媽搞到報哂警
係得你呢一個人仔犧牲左同屋企人食飯既時候去用心地聽我講野去安慰我
果一次 真係好多謝你 當然 唔止呢一次咁簡單啦 你自己心知既哈哈
第二個 卡文 即使十年唔見 而且無咩機會見既情況下都可以維持咁FD
我覺得好值得珍惜 唔知你點諗呢!? 有咩不GUR同你講你都會好樂意去聽
好多謝你 聽我廢UP咁耐都仲會繼續聽 哈哈 真的多謝你
第三個 區C 一個超為我著想既好朋友
雖然我成日比你雞姦= =但係當你認真起上黎個樣即刻唔同哂 哈
縱使而家唔同班加上我成日唔得閒 但係我一得閒都會搵你食飯的!=]
第四個 沙 一個經歷與遭遇跟我相約既人
成日同你比較大家平時有幾辛苦
就係因為大家都咁辛苦 感覺好似得佢明白我有幾辛苦咁
雖然你同我一樣 講野都係鬼咁死直唔識轉彎
但係感覺很好 同你傾亦有好多得著 多謝你
第五同六個 子雄&肥斌 呢兩個一定要一齊講先得
你地兩個 一年入面都唔知同你地講左幾多次多謝
但係都唔介意講多次 多謝
直到依家先至識左年幾咁大把(如果我無計錯既話@@)
但係我已經覺得好似識左你地好耐咁款
你兩個成日用埋哂白痴方法令我開心幫我解決問題 真係幫左我唔少
係市鎮公園吹水吹通頂OR晚上連車都無同你地一齊由碼頭行番屋企
晚上11點幾行去接子雄放工仲有震住都要同肥斌慶祝生日
係得你兩個先搞到我咁戇居咁白痴= =
總之 要多謝你地既話我都唔知要講多年先夠數
最後 多謝肥斌成日抽時間陪我煩我阻住我比我打仲有借個屋企比我避難@@
仲有 多謝子雄成日打電話黎關心我番工番到好夜都陪我聽我廢UP同埋藉住唱歌去令我開心
唔知你兩個仲記唔記得發生過D咁既事呢哈哈
今年 有一個人係我心入面留下左一個好深刻既印象
呀水 係你啦哈哈 無錯呢一個人真係你
今年我係機緣巧合之下好離奇咁識到你
雖然一齊左唔係好耐 但係發生過D咩事我記得一清二楚 印象太深刻了
多謝你 係果短短既時間入面 我真係覺得好開心 多得你
我記得你問過我一個問題::你唔怕比人HURT架咩?
老實講 我好怕 我真係好怕 但係好多野都唔係自己可以控制
總之 係個段時間 真係多謝你一直陪住我 多謝
其實有好多野 都唔應該係呢一個時間經歷
但係好多我都經歷過 確確實實的經歷過
""人總需要勇敢生存""
完
|
