終於有D時間坐低係電腦面前
寫低我之前幾日所發生過既事
呢一個星期發生左好多好多事
可能會好長 請耐心細看
之前幾日我同呀媽嘈交
然後比人趕出門口 再之後番到屋企再送媽媽入院
好似好簡單 放心 係咁簡單我無必要寫低
事緣我屋企本來就養緊倉鼠
但係麵包就話要養貓
因為貓同鼠係天敵
而媽媽都唔想拒絕麵包
所以 媽媽就決定要我遺棄D倉鼠
我睇住D倉鼠出世 睇住佢地長大
有人話過我好似當左佢地係自己個仔咁成日同佢地影相
再加上我又唔係咁鍾意麵包
所以 我同呀媽嘈左陣
但係無辦法 我打左好多個電話
D人唔係訓緊覺就係唔想養
搵左好多好多人 都無人肯收養D倉鼠
仲要比人話我幼稚 聽到之後真係好DOWN
但係真係無辦法 始終都要遺棄佢地
番到屋企 我好唔開心 結果再因為D小問題再嘈
嘈嘈下 呀媽話從來都無當過我係人
聽完之後 我已經無心再同佢嘈 我估唔到佢會咁同我講
之後 佢就話"我從來都無當過你係我個仔 我唔係你呀媽
我無錢比你 呢間屋無野係你架 你同我走!"
就係咁 我比佢收哂我D錢鎖匙電話咁樣比人趕左出黎
我臨走既時候 都拎左PHY出黎 雖然唔齊
我有諗過番去補課 但係果時我真係邊個都唔想見
一諗起果一句既說話 真係好DOWN
當我去到M記見到SAMWONG同ANDY既時候
我連望都唔敢望佢地 淨係識得喊
佢地好好 哄我開心 請我食野
之後佢地就番去補PHY 我就去左體育館
等到佢地補完 就去左ANDY屋企小睡左一陣
但係其實 我唔係好訓得著
晚上去搵肥斌 終於忍唔住打左個電話比劉子聰
我知道佢搵左我好耐好擔心我
佢叫我無論如何都要番屋企
結果呢一晚 我番左屋企
番到屋企 故事仲未完
我一番到屋企 就見到媽媽坐左係房
唔知係到講乜 初初我一D都無留意過
我以為佢仲嬲緊我 但係漸漸我就發現有D問題
我諗住入去問下佢發生咩事
但係佢就答非所問 語無倫次 一反常態
我即刻打電話比麵包 問佢帶左呀媽去邊
但係竟然 就只係食左早餐 行左陣街同埋食午餐 係咁多
我開始驚 就打電話叫肥斌上黎陪一陪我
突然間 我聽到媽媽唔係叫我做羊咩
佢叫左我做細佬 佢竟然唔認得我
聽到之後 就即刻喊左出黎 好心痛
決定送媽媽入醫院
搵埋子雄 佢地一齊陪我送佢入醫院
去到醫院 做左好多個測試 都唔知發生左咩事
我好想訓覺 但係我又驚佢會走左去 撐左好耐
等到第二日既六點 媽媽總算清醒
最後一個報告出左 都仲係唔知咩事
所以決定留院 但係媽媽就死都唔肯
原來 佢食左幾粒安眠藥但係訓唔著所以搞成咁
所以最後醫生就叫佢見埋心理醫生先走
最後 搞到中午十二點先番屋企
由於我成兩日有多無訓過覺
連果日要番去補PHY都MISS左
故事完結
本來我好理直氣壯 但係件事去到最後最後
我好後悔 後悔到不得了
我媽媽係我無番到屋企既時間打左好多個電話搵我
喊哂咁求人搵番我 落街四圍問人咁搵我
但係我仲可以離開呢一個屋企咁耐 我好後悔
我無權咁樣發脾氣 因為佢無義務去承受
第二晚番到屋企 見到佢為左我搞成咁
已經好心痛 再加上佢連自己個仔都唔認得 真係好心痛
你未試過唔會知有幾苦
你面前果個人明明就係你呢一世人見得最多
認識最深既人 但係連佢都唔認得你
就算你有幾嬲幾唔開心都好 係無可能唔喊
但係我無喊住咁送佢去醫院 我無喊住咁見醫生
我去到醫院之後都無喊住咁對住子雄肥斌
因為我知道我大個仔 唔應該要任何人擔心我
醫生好好 佢問媽糸認唔認得我 媽媽無答 佢就連續問左5次
但係佢諗左好耐都答唔出
醫生知道我好唔開心 所以就不停咁問
希望佢答得到 等我無咁唔開心
只可惜 佢連講都講唔出
心好酸 但係都堅持住唔喊 即使有幾唔開心都好
子雄肥斌好好 好到我唔知點形容佢地
明明子雄第二日要番工
但係竟然打電話番公司請假陪我渡過
肥斌明明好攰都撐住咁陪我等報告
無言感激 就算我做D咩都好 都不足以去多謝佢地
至於媽媽 我好後悔我咁樣對佢
我愛媽媽 媽媽愛麵包
媽媽夾左係中間 其實佢都好辛苦
然而我從來沒有體諒過佢
差D 我就失去左一個好錫我既媽媽
真的只差一點
我呢個做仔既 真係好無恥
就算媽媽真係唔認得我 都係我自己拎番黎 無得怨
所以大家無論點都好都唔可以發媽媽脾氣
因為咁你可能會後悔一生
以前 我會覺得愛情好重要
但係經過呢一件事之後
依家我覺得親情仲重要
(家庭>學業>愛情>金錢)<---我依家心目中既排行
我覺得 其實只係我將佢看得太重要
無可能會令你咁唔開心
只係我將佢看得太重要
更何況依家大家有大家既生活
可以做得番朋友 亦都可能只係Bonus
當然 如果可以既話 我都想做番朋友
無謂令自己咁唔開心
大家不妨睇下呢一個Website
http://www.uwants.com/viewthread.php?tid=6686713&extra=page%3D2&page=1
佢真係講得好好
經過左呢一件事之後
我學到好多好多野
希望以後都唔會再發生D咁既事
以後都唔可以 |
