噚晚12點度瞓咗lu..

《女王的教室》幾好睇喎..點解一開始搞到好似鬼片架!?

我兩個細佬又要睇《Superman》..要我入房間睇....

睇到成12點..就入房瞓覺lu~

今朝7點幾醒咗啦..好眼瞓呀...

8點幾出門口去換智能身份證..

落到去..等緊車既時候......發覺唔記得帶銀包!!!!!!

冇帶銀包唔緊要呀..最緊要裡面張身份證吖嗎...

唉..又要跑返屋企拎....

拎完仲要俾媽咪話..*咁我都唔想架嗎..晒咗你D時間咪對唔住囉...><"

去咗嗰到都好快啫..原來喺玫瑰花園度換證架喎....

其實我想揀個特別既日子先換證架..

等到我生日又唔得啦..不如9月1日整呀~易記呀XD

嘩..整到9點半~好快啫..8月7日有得攞啦^^

之後媽咪話去行山......

唔係呀!咁熱去行山..嘩....殺咗我啦.....................

由玫瑰花園行到我置樂嗰個山..嘩...攰死呀!

行到去大欖郊野公園..由咁高望晒成個置樂~好靚呀~~

好攰好熱呀!~原來嗰度有山水架喎..玩下水先~

d水好清涼好舒服呀!!!不過行上嚟..又行落去就攰咗d......

返到屋企11點半lu..

成日冇食過野..淨係去咗7-11買野飲....

嗰個細佬純粹想換跑online啫...

睇咗陣電視..就攰到瞓著咗......

等咗成個幾鐘先可以點部電腦..

4點半要學游水呀!!

加油唷!!一定要學識佢呀!!!!!

不過好驚曬到黑晒喎..

好耐冇游過水啦...今日要痛痛快快咁游下先>v<

今日打住咁多先啦....

~~~~~end~~~~~