今日..唔知點解好攰><''哈哈...可能噚晚瞓唔夠啦......

唉..都要返學架!~起身整好晒野..食埋早餐...

見到出面咁好天~冇落雨~~咪唔帶遮囉....

喺車度..有溫書呀...今日Quiz IS...唉...好多野記呀!!!!>﹏<""""""

返到學校..唉...好攰...好想瞓覺>v<"

第一堂又轉做history..Miss Yiu教得真係好快囉..有少少唔明佢講咩....

之後嗰兩堂IS 就用咗Quiz!!唉!!!唔識呀!!!!唔做啦...亂寫.........

相信我哋唔會有好多人識做..^^"

小息啦..去咗音樂室練習...好驚一陣考試....

上堂啦..返到嚟...譚思顈話有個姐姐搵我嚟.....仲留低咗一張紙仔比我....

下!?佢如果我想打比賽既話就搵佢..打男女混合...下.....唔好啦啩....諗諗先啦....

上堂啦..mrs chan入咗嚟講咗d野..就俾返陳老師上中史啦...

(mrs chan教我哋上屯官內聯網呀~)

出面其實已經落緊雨架啦..我都驚一陣冇遮出去食lunch....

雨愈落愈大..佢唔講都唔知...原來掛咗紅雨....下......唔怪得出面咁黑..落咁大雨啦....

唔知有冇得放學呢..^^有就好啦....

唉!之後就上QJ堂啦..唉...好鬼驚佢....又唔係好聽得明佢講咩喎...個樣又惡喎!!><

上咗一陣堂..譚Sir喺中央咪度講野啦...我哋成班都嗌晒~以為可以放啦....

點知..............佢話出面掛緊紅雨..要喺安全或者有家長嚟接先可以走......

連晏都唔放我哋出去食..只可以留喺班房..-口-仲有..額外俾我哋可以喺學校使用手提~

咁我哋梗係嗱嗱聲打電話啦..咁啱媽咪佢哋又喺市中心~仲唔叫佢嚟接我走呀....

嘉汶..娉婷..ceci..招招...swing都冇人接呀..我咪叫媽咪帶埋佢哋一齊走囉...

佢又唔肯咁呀><"後尾佢都帶埋嘉汶同swing走~呀..仲有阿招...

之後唔知佢哋成班去咗邊啦...我同媽咪就去咗搵爸爸食飯~

(其實我仲有野想講架..不過打唔晒..遲d話返你哋聽啦~)