今日好早起身(6點9醒咗)~
跟住整咗一陣野就出去屯市搵阿sir~(我同迪賢一齊架~)
8點鐘見到阿sir~跟住就坐62X去觀塘la~~
上到車第一時間梗係........瞓覺 XDD
都唔知點過咗幾耐啦..到咗旺角地鐵站轉車....
唔知係阿sir唔識路定咩啦..搵唔到個巴士站...就去咗坐的士~
到咗順利邨體育館~今日好熱呀!
不過入到去又唔同d~~報咗到..拎埋球衣...
入咗更衣室換衫..再同迪賢傾咗陣偈就出返去啦...
我哋入到去冇幾耐已經有賽事開始緊啦..(9點10分)
我都有d緊張啦...到點9點35分...聽到我個名.....
我就開始震...震...震咁啦....
4號台比賽..好驚....對住嗰個女仔係香港國際學校喎!!(佢叫唐嘉慧呀~)
點知係咩勁人呀!?好好好驚呀>﹏<
比賽開始啦!!!!!我開波先(紅色同白色我揀咗紅色~亦都拋中紅色~XD)
比賽計五局三勝既..第1局開始....
有少少緊張..頭幾球有得有失....跟住打到尾局啦....7:7..8:8...9:9...係咁打和....
跟住打到10:10...我發球..贏咗...跟住到佢開波...=="佢開出界...贏埋...10:12第一局呀~
打完第一局..阿sir同我講咗少少野..我就繼續啦....
第二局開始!.................oh.....我先輸咗4分....有d驚啦....
跟住我都死追返d分啦..7:4...8:4...8:5...9:6...(我好驚呀!!!)不過....................
唉.....我都係追唔到....11:6輸咗1局....局數1:1><"
我要追返!!慢慢嚟...呢局以11:4贏咗...
因為嗰個女仔開失咗兩球波..同埋開d波好高...所以俾我...嘻嘻....
追到局數2:1~~
弊!!到咗第四局啦..諗住拎埋呢局就贏啦....
唉..有少少心急....打到出晒界...11:7...輸咗.....
死啦!!今次冇啦...2:2局數......
救命呀!好驚呀!!!我要贏埋佢呀...
放鬆........好啦.....頭先拎咗5分..但又俾佢追咗d....
我叫自己唔好驚...好彩!!!!最後贏11:5~好野!!!
唔駛比班男仔睇死啦!今次有交代啦~~~~~
(唔記得講唐嘉慧既媽咪好nice呀~係咁對住我哋笑..好和藹可親~走嗰陣仲同我哋講bye~bye)
到咗第二回啦..
 梁銶琚喎!阿sir話呢間學校都好勁下架..(大家都係屯門中學)
我哋諗佢會唔會嚟唔到呢..棄權就好啦!!(佢個名叫劉懿德..我覺得有少少似男仔名XD)
我哋係咁話..遲到!遲到!(因為屯門嚟觀塘都好遠..可能會迷路的~
 )
咦咦..裁判處叫召集啦喎....再叫佢個名...劉懿德請盡快報到處報到......
我哋就開始有壞念頭啦..哈哈...佢唔係真係遲到或者唔識路呀....
「由於劉懿德逾時未到..請她的對手帶同証件到裁判處登記!」
嘩嘩!我仲唔飛到去登記呀!好開心呀~唔駛打就升到第三回合...好好彩~^^)
唉..不過到咗12點比賽既對手就好強啦....
唔駛20分鐘已經大敗喺佢手上啦...11:7~11:4~11:5~~~~
好慘呀!我已經盡晒力架啦!個裁判又係咁話我拋波姿勢唔啱...搞到我唔知點開好><
唉......好慘呀!!!!!輸咗啦.......佢讀陳黃淑芳架~~~~(又係屯門中學喎~)
輸咗啦..坐車返屋企啦...喺車度瞓咗陣...去到旺角落車....
跟住阿sir話約咗人..佢走先...我同迪賢兩個人行女人街~
好熱呀..唔係好想行..冇幾耐就坐車返屋企啦......
返到嚟..睇電視....睇電視......上網........
好悶...好悶....好悶.....好.............
今晚唔係咁想睇電視啦..沖完涼又攰喎.....
就去瞓覺啦..
雖然今日輸咗..有少少唔開心...不過我又冇咩打慣比賽..吸收下經驗啦~下次再嚟過!!!
| 
