呢幾日好多謝你陪我
雖然你其實係乜都唔知
但係無論點都好啦
都係要多謝你
雖然我地用既方式係好怪
我都係第一次咁樣搵朋友陪
但係見你平時都係咁
我唸我冇阻住你掛?!
希望冇啦
同埋你都話:如果你係無聊既我都唔會同你傾計啦
聽到咁樣我好開心
因為証明你當我係好朋友^^
係一對用奇怪方法傾計既朋友
就好似我係香港同死肥兔一齊咁
係學校就好似冇乜關係咁
但係其實大家都係關心對方
視大家為好重要既朋友
就好似我尋日隻手好凍
係大家玩既時候你感覺到問我係唔係唔舒服
我真係好開心嫁
因為有人關心
就好似死肥兔成日關心我咁
放左學我記得同肥兔會成日係街到癲晒咁
由學校到到番到屋企
係咁講野係咁嘈
又唱歌又講gag
講真真係有dd似哥d飲醉酒既人
我都好似冇飲酒啦
都唔係好記得飲醉既感覺
我靜係記得好掂
可以唔記得晒d唔開心既野
而少少既開心事又可以變得好開心
但因為屋企人唔比既關係
我都真係好耐冇飲
好想搵一日屋企係冇人既時候
一次飲幾樽
飲晒佢就唔駛唔開心
but anyway, 你唔知我既blog
所以你唔會睇
我都好放心咁打我唸既野出黎
        真係好開心同你傾計
        真係好開心大家冇隔膜咁傾計, 因為咁係好難得既
        亦都好開心我同你講笑話我過黎澳門都係因為想識你
你好大方咁同我講你好感動
唔會好似我以前唔知幾多年既同學咁
唔講得笑又唔可以講得放
少少既一句說話都要唸清楚先講得
正如我都講過我地既傾計方式真係怪
所以你有時都會誤解我講既野
不過我解釋番既時候
你真係又會好大方咁同我笑
        你冇話比我聽你明白
             而你就係會笑
        你冇同我講過一件唔開心既野
            而你會話比我聽你攰
        我會同你講我唔開心
            而你冇唔聽
        我會同你講我驚
            而你會安慰我
        我會同你講我鐘意音樂
            而你就會同我講你都鐘意
可能係因為你本身就係一個大方既人
可能係因為你本身就係一個健談既人
但係唔理點都好
我感覺到你係當我係朋友
如果我既感覺係冇錯既話
就讓我好好咁珍惜呢段友誼啦
我好希望我冇錯
我好希望我有能力去珍惜

        因為我覺得真係好難得