最近發生左好多事...
冇心情打BLOG之餘
其實連上網都冇心情
太疲倦再去睇任何野
亦都害怕去聽一D唔想知既事
我唔希望接收到並他唔關己既資訊
因為我連自己都未管得好
情緒如此低落
相信冇幾多個人明白
如果我唔講 你地都唔會知
我好明白呢一點
因為我冇幾多次係唔表達自己既感覺
而人地又去問我發生咩事
我好慶幸自己識得講
但講得多又怕人地嫌我煩
其實真係好矛盾
應該講定係應該收聲呢??

呢幾日我試過好多野...
試過自閉試過食死貓[知內情既人唔好係到爆響口唔該]
亦都試過犯一D唔應該犯既錯
唔單單係同人既相處
就算自己一個人係屋企
自己都會不停咁怪責自己
怪自己無能, 怪自己的一切
但又一點值得慶幸既係我每一日都有你
可能係有意無意
但我好開心...
每當一日完左, 我經歷過困難
你都係我身邊
好多謝你...
可以話, 你係我呢個禮拜既原動力
如果今個星期冇左你
我都撐唔到落去... 多謝你