我想買錶、買銀包、買袋、買護膚品同埋換季，就係我把口仲講緊忘記佢忘記佢的同時，今日我極速地買左隻錶，其實只係路過，由睇到至買左唔駛十分鐘，咁都唔奇，奇就奇在我又鍾意隻錶，又唔鍾意隻錶，同埋其實我係想買隻白色錶，買果時都仲諗住要買過隻白色，仲有，佢根本就唔襯我個屎大奴。結論係：我為左買野而買野，呢排壓力大咩？？！！

返學途中見到好多衫衫都好靚，我有實際需要換季呀！！！！！！！

做完幾個月園丁後，面面多左好多斑斑，而家個樣又老左十年，好有實際需要理下佢呀！！！！！！！！

．．．　．．．開始想發神經．．．　．．．

．．．　．．．我要買野呀！．．．　．．．

今晚番屋企果陣，條友都發神經，佢揸得比平時快都算勒，有人想轉線插埋黎都唔讓喎，已經驚驚地，跟住仲勁，遇到個夾硬黎添，不過都唔讓喎，只係向左邊一閃，差點咬到前面架車，隨即右邊一避，過程十分乾淨俐落，完全無收過油，我仲以為我玩緊賽車，要左閃右避逢車過車，雖然我都好想快ｄ快ｄ，但我只係想快ｄ到屋企，唔係報到囉。

奉勸各位會不安全架駛的朋友，唔撞唔係你技術好，只係時候未到，小心為上，多謝合作。