呢排身體唔好，我知道又好似以前咁，不過都仲未的起心肝去睇醫生。

昨晚發左個惡夢，夢見親人走，係咁喊，喊醒左望下個鐘，五點幾，然後繼續喊＋繼續瞓，六點幾七點起身番工，今朝又係sam的時候，我真係無咩心機，好謝∼分享的時候無咩想講，只係好想喊，安人好好，佢安慰我唔好諗咁耐，做唔到就放低佢，只係佢唔明我根本就唔係因為果件事唔開心，我知佢眼裡面的我，並唔係我，不過我都懶得澄清，真係好無心機呢．．．

好想搵人講下野，夜晚打左比有叔味，傾下大家近況，佢好有淚氣，好似好多野要申訴咁，一路由佢講講講，雖然講開我轉左行佢都好大反應咁比左好多唔係咁正面既建議，不過由佢一路講講講，我估如果我同佢係街度咁講野，有人會覺得佢係一路鬧緊我添，但係就算只係聽佢講完，我的感覺又好番ｄ，或者傾計／抒發心情就係好簡單咁講下ｄ無謂野，聽下ｄ瑣碎事，生活最大不了的莫過於死啫，大家都仲未死就ｏｋ啦。

有乜事，無乜事，仲有得諗，仲有得揀，已經係幸福，唔係咩？