完左個婚宴，番到屋企好想食野，又攰又肚餓咁，其實本來都想溫下書，不過外邊又上演好戲，有無人可以係戲院溫書既呢？！我就唔得，只好瞓覺。今次瞓得好好呀！可能之前太攰勒，無咩點瞓之下全日走黎走去，都只係偶然想放低個頭，都算叻叻啦。

表哥打黎約去濕地公園嘈醒左我，我真係好想你地可以出去玩玩囉！不過呢個可能性越黎越低。你地去玩我就可以好好溫下書，最後又係唔去，戲院又繼續上場，我又唯有瞓覺，瞓到精神既時候，深夜無人既時候至溫書。

後尾至發現我又無左間房勒，淨番個廁所可以比我徹夜點燈，心情跌到落低點，好那想喊，好在只係淨番一科，好在呢科係我三科裡面平時分最好既一科，好那攰，一路讀一路都好攰，只係草草溫左一ｄ。