噢...我正式將我的日與夜顛倒了，為什麼半夜不睡是這麼容易，早起郤是這麼困難？我著實是不想這樣下去，還是要繼續努力一點，再努力一點，人生似乎為了努力一點而活，這就是精彩嗎？

講番得意，開始想做番個自我得意普查，到底我既得意指數有幾多？點解識到ｄ新朋友既時候都會話我得意既呢？我到底有咩咁得意？真係好想查下字典得意既正式解釋係咩？係咪每個人覺得我得意既野都係一樣既呢？

其實係我個人既字典入面，被人形容為得意唔係咁好！！仲有ｄ貶意！！如果我被形容為得意的話，得意既同義詞就係新鮮感（注意：同我形容人得意係兩回事。），仲新鮮既時候，我既優點是得意，我既缺點就好得意，所以同我一齊，人都得意ｄ；但係當新鮮感過去，得意度都跟住減退，無變過既我就唔知幾時開始突然由得意，一分為二咁變左低能同白痴．無綠無估賺左兩個字添。

如果得意只係新相識既口頭禪．．．　．．．，吾！不如下次唔好話我得意啦！都仲有好多形容詞既者：有趣、趣緻、可愛、cutie、鬼馬、騎呢、奇怪等等，總之唔要得意得唔得！！

得意＜－－－你同我死開，我唔要同你有個＝呀！！