自從番左新工後，每個星期日都好攰，今日唔係食就係瞓，瞓醒一陣就想瞓，其他咩都唔想做！！起身就一邊睇女排，一邊食零食，食左兩包大蝦條，一杯大雪糕，一包非油炸拉麵，一大包餅，1.25L忌廉溝鮮奶，睇完就瞓左陣，瞓醒又食晚餐，總之不停口，而家又想瞓．．，唔知做咩咁眼瞓，就咁就一日，ｄ功課都未做過，唔知點算！日子過得好快，我開始懷疑我的學業是否可以如期過渡，今次出奇地快定左考試日期，如果咁樣落去，十月尾唔遲辭都要告假．．-____-。食得junk food 多個人都junk junk地添．．．。

係我仲諗緊好唔好又辭職，但係又無咩實際行動的時候，舊同事就致電來說舊公司請人，問我有興趣無！當然有啦！只係唔知肯唔肯請我者，都只係內部請人，但係佢就傻更更話寫左至算，咁又好啦！人工高、福利好、仲番五日工、準時收工、無咩壓力，而家真係去邊度搵！