星期六係最舒適的返工日子，因為兩個重要人物都唔會番公司，咁我就可以為所欲為，其實都係做野啦，只係無人煩住我！不過真係好那悶呀！就黎悶屎喎！

放工即刻走人，諗緊搵邊個食飯好，最後同左熊熊落左銅鑼灣魚一丁，ｄ服務水準麻麻地，同埋三點鐘就落場收工趕客埋單咁，雖然熊熊趕住閃，不過我地兩條李荗講開香檳雪糕就忍唔住落去買黎食，初時企左係三越門口兩條友係度食，後黎都係唔對路，熊熊就話不如送我去總站搭車，最後佢用左20分鐘，我用多佢五分鐘幹掉500ml的香檳雪糕，下次我都唔會咁食法，一黎食極都係呢種味好悶咁既，同埋食到個口無晒感覺，真係唔明點解豹豹可以鯨吞兩盒喎！

不過，今次既實驗証明左一樣野，就係：食雪糕唔好問幾點，就係熊熊問住我幾點既時候，我就好似好耐之前既廣告咁，順手反轉隻手睇錶，ｄ雪糕既倒汗水就倒晒落黎勒．．。

番到屋企，坐左陣就趕住出去睇戲，哎呀！我又遲到啦！唔好意思啦！今次睇魔盜王，期待已久的，不過最後"車"住咁離場，我覺得徙左尊尼囉！同埋極其唔鍾意佢同女主角既感情線，好夾硬。下集仲睇唔睇好呢．．-________-。