禽晚番到屋企都已經好眼瞓，本來諗住瞓一陣起身睇加旋，不過最後都係一覺瞓到大天光，仲要係比冰冰連續既電話鈴聲嘈醒至心不甘，情不願咁起身，最無奈既係佢根本唔係想搵我。

之後，係屋企抖，都無打算出街，上上網，打打機，寫寫日記，我真係補番一個月既日記咁滯，好多野都唔記得lu，不過就算唔記得，我都仲係好多野寫，我真係有太多野想寫，只係有時唔知點形容．．．　．．．而家寫野既能力已經無讀書時咁好，錯別字啦等等一大堆，名符其實做左個中文差，英文更差既香港人。

跟住上網見到個傻佬．．．佢永遠會給我一個open question，我又唔知點解會陷入沉思，又係個老問題．．．　．．．，然後想起一段聖經，到底點解要休息，點解要安息呢？！然後我又開始係度睇聖經，一ｄ都唔明．．．　．．．