今日同父母飲茶後，還是去了剪頭髮，講左二、三、四、五個月度啦，都係因為覺得時日無多至死去剪。今次揀左樓下果間執完又開，開完又執，執完又再開既髮型屋，母親大人話唔錯喎！

其實我覺得果度坐得的確算舒服，洗頭果張櫈都好軟熟，之但係軟熟都唔駛洗咁耐頭架！感覺上就好似洗碗碟洗到令一令咁，開始唔耐煩，但係母親話佢按摩按得舒服，咁我又硬住頭皮試一試啦，一試更加覺得自己似隻碟，因為佢用ｄ好似洗頭水一樣滑溜溜的東西，按到臉的邊緣，越按越起泡．．．　．．．洗到末期，我個人雖然無食到ｄ泡，但感覺上都無咩分別，起身對住塊鏡面色發紫似的。

跟住我個頭交左比一個魔女feel既女魔頭剪，本著求鬼其既大無為精神，是但搵個師傅，佢就真係求鬼其咁比個鬼師傅我勒，佢一身黑衣，全身粗銀狀飾物，加上唔長唔短，唔曲唔直，但又全部剌針一樣堅起既髮型，仲要咬住香口膠唔知佢講乜咁撩我講野，我真係無野好講．．．　．．．然後又狂話我個頭好厚，要剪薄ｄ，其實我都無咩所謂，靚就得，但我一臉呆滯咁望住佢剪完既成果，佢又猛話我已經同你剪到好薄架勒！我都唔係要薄，我要靚之嘛。我都唔明點解ｄ人好唔抵得我ｄ頭髮厚，我又真係無咩野喎，厚咪厚囉，厚唔代表唔靚呀！我要靚之嘛！唔通頭髮都要纖型至算係靚咩？？

剪完個髮既結論係，我都係一個超級唔鍾意去髮型屋既人。