其實呢兩日都唔開心，唔知做咩呢？！

禽日同美菲食完Lunch，仲有時間就心血來潮地提議去突破行，其實無咩想買，又無咩書想睇，但係唔知做咩想去，跟住就無無謂謂咁聽CD，聽左第一首（尋著您的那天），果一刻覺得好好聽，跟住第二首（恩典太美麗），我竟然即時想喊，做咩呢？！就係咁，我毫不猶豫咁買左佢番屋企。其實兩首歌我都聽過，唔知點解當時聽會咁既呢！　

番到屋企就放係電腦度播，順便做我日常對住電腦會做既事啦，又唔知做咩，播左一半停左，唔知咩撞左咁，個電腦又失聲...>.<，於是放入可樂機播，點知佢自動jam歌，係第一首歌度不斷cut&replay.....= ="，就咁就花左...0.o"，我都係為左呢首歌買隻碟架喎！-____________-

試左兩次都係咁，死唔服氣又試多次，又正常番喎！好奇呀！！！！！！！！

然後就好安靜咁攤係床聽歌，好耐好耐好耐都無試過，好舒服，舒服到瞓著左。

有無人識將CD轉做MP3之類既格式呢？教下我好嗎？