終於都可以upload野，咁就講番星期日去釣魚先。

其實都同過好多人講去釣魚，最後都係無釣過，直到今次，去左個釣魚場，比想像中環境好，不過當然，如果可以係海邊之類一望無際既地方釣就更好啦！因為對我黎講，釣魚係其次，可以坐係度望住個大自然既感覺好舒服。

一去到就開始落雨，我都唔知算唔算鍾意落雨，但感覺上好過狂晒！睇住ｄ雨落係個魚池上面，我可以就咁呆望一日，淋雨有時真係好好玩，其實根本，釣翁之意不在魚。我想釣到魚，因為我覺得你想釣到，呢ｄ係男性的面子？right？；我想釣唔到魚，因為我根本都唔食魚，咁慘釣爛人地個嘴又唔係想要人，你估佢係衛蘭咩！

跟住番屋企時見到貓貓，佢又黎我樓下個魚池捉魚，好耐都無見過勒，佢瘦左好多呀！唔知係咪好耐都無黎捉魚食呢！本來想望多陣，不過朋友仔等緊，唯有下次啦，貓貓你要捉多ｄ魚魚食呀！！唔好比人捉到你呀！！

之後去左好遠好遠既地方食拉麵，好可惜我無咩胃口，但係呢間"爵士"ｄ野又真係好好味喎！不過我唔會識得自己去囉．．= ="。

唔知幾時有下次呢，我都想試下叫晒餐牌既野食呀！！^^