今日有d唔妥，朝早突然醒起唔記得左找卡數，我竟然完全忘記左>.<"。

番到公司唔多野做，就上下網，一路打算溫下書，但係都無咩溫過，精神唔好，咩都唔入腦！就係下午，忽然醒起，我唔記得左睇今晚去邊度TEST，咁辛辛苦苦讀黎做咩呢！急急咁諗起應該有rita醫貓，醫左佢，但係時間唔許可我等呀！再搵前同學仔，哎呀！留言，再搵另一個前同學仔，終於搵到學校maggie既電話，佢真係超無禮貌，以前都唔係咁既 ，算，我都叫做逹到左我既目的。

然後前同學仔覆電話比我，仲問我聽晚係咪食飯，呀！我唔記得左！隨口又話無問題，夜晚至醒起聽日約左中午見工，咁夜晚食飯既話，下午去邊好？？

今日精選節目，TEST，又好似ｏｋ喎，花左一整晚時間總算無白廢，TEST咁多次似乎呢次寫得最多張紙，不過都係連我自己都唔知自己寫緊乜，算啦！頭痛，提早離場添，真係爽！落到街就發現隻手好痛，如果我左右手都識得寫字你話幾好呢！

坐係巴士既時候係度諗，我由禽日早上九時起床，一直至到而家都無正式瞓過覺，咁我即係幾耐無瞓過呢？好似腦閑塞咁，我真係唔識得計呢條數添．．．係幾多個鐘呢？(聰明既讀者計左既話講我知答案啦!thx。)感覺上係十幾廿個鐘無瞓到勒，個胃又投訴，比ｄ時間我，我會對你好番ｄ架勒，你乖呀！