禽日，係我好開心咁睇緊人神鬥(我至愛的醫神..呵呵)既時候，網絡的另一邊廂有人叫我，可能太投入，根本唔知道(不過知道都可能唔理 )，後來見到既時候，佢留左ｄ好灰既說話(即係好攰,以後都見佢唔到,珍重果隻啦)就Offline勒！嚇到我眼都突埋！ 真係好驚喎．．好在，我搵到佢個電話，佢都無咩樹，但係我就好想鬧人勒，係唔駛我擔心，就做個令人唔會擔心既人嘛！越係悲觀，就越要令自己變得樂觀嘛！我都係咁．．當真係連自己都唔能夠令自己好過既時候，咪搵下朋友囉，知道仲有人關心你既感覺係咪好ｄ呢？(只係做關心你果個可能覺得自己好白痴！ )

給你一些不能走的理由吧！(這是我常對自己說的)

1.想想你的家人，突然没有你，他們有什麼感受。

(媽媽可能會被嚇傻，而家佢都傻傻地勒，為左整個世界著想，唔可以比佢更傻．．哈哈)

2.想想你的朋友，突然没有你，他們又有什麼感受。

(作為失去過朋友的自己，感覺真係好唔好受，不過或者只係我比較感性，所謂近\"豬\"者仲\"豬\"，我諗總有朋友感性過我，我怎麼捨得你們難過)

3.想想會走左去邊...

(作為一個信耶穌的人，我當然信會受審判啦，當主問我：你仲咩黎見我既薯候，我都無放棄你的生命，你為什麼要放棄，我真係唔知可以點答。<---呢個都係最重要的要點。)

不過，如果你話你信輪回、下世的話，今世你都放棄勒，仲要下世黎做咩？

就好似今個月放棄左讀書既人，無理由下個月會想讀番，就算想，咪又係會放棄！係想仲咩唔而家好好讀落去，下個月讀唔會易左架喎，咪又係果ｄ野！<---順手話緊自己！

4.想想一些令你開心的事

(例如:醫神演唱會，唔係樹咪無得睇囉．． 唔制呀 ！去西雅圖食生蠔．．仲有去大堡礁潛水．．去新西蘭跳降傘．．去日本勁買龍貓，三鷹博物館我都唔去過呀！仲有...)

如果諗左咁多野，你都一意孤行的話，我都夸你唔何，但請不要跟我道別！我唔會因為一個唔識珍惜的人而學懂珍惜，比個正面ｄ既教材我好喎！