最近都係好有購物慾呀！繼買電器產品後，見到地鐵廣告隻手錶又好靚咁，每次行過，每次都覺得好靚，之後，我隻貓貓錶就爛左勒！但係都未的起心肝去買，因為我覺得實物應該唔會靚。

然後，睇雜誌既時候，見到呢隻熊，好靚呀，真係覺得佢\好靚呀！仲有埋一條手鍊添，而且仲話係限量版添，不過仲要買滿＄4000大元至送一隻。噢！算啦，都係影相靚既啫！

點知，就係我迷失係尖咀既時候，我見到佢\個實物呀！(似乎梗有一間係左近咁既)，實物都好靚仔架！閃閃令咁，好鍾意呀．．雖然我對好多野都會話好靚，但係過左去就會算，然後好快唔係好記得左，好少呵我會對一ｄ產品念念不忘，呢隻熊少呵地有點例外！都唔知係鍾意隻熊定鍾意條鍊，定係張相，總之夾埋就好吸引啦！

就係好興奮咁睇到之際，我同個朋友仔講有關呢隻熊熊既野，$4000有一隻，$8000有兩隻，$10000有齊一套三隻呀！

朋友仔就話勒，買對結婚介子都差唔多一萬，搵個人娶我囉。

我就無聊咁答勒，都好喎！但係為左隻熊仔嫁呀？！

朋友仔反應好快咁回應：邊個娶著你係佢\終身既不幸！

我都反應好快咁話：係三生有幸呀！

朋友仔：你話有咩幸吖？

我：．．．．．．．(啞口無言)