今日又TEST，又係QM，尋晚溫到三點，有番ｄ概念，不過對住份Exercise都係唔明，算lu，聽天由命。

唔夠瞓係有ｄ呆同有ｄ黑面（其實都係呆啦），午飯時候，低ｂ的我又一次走去休息大吉的圖書館，唉！點解我成日都係咁。

放工即時走人，不過去到都已經開始左，我就急速地投入測驗，因為經驗所得，我諗諗下就唔夠時間答！可惜投入得滯，亞sir黎左我都無理，又無睇下人地原來開左個瑩幕，有我諗黎諗去背錯左既公式．．．-_______-"。

聰明的我明知條題目應該用咩方法計，但聰明得黎又痴痴地的我，代黎代去條數都唔岩，又機器白痴喎，唔知做咩同樣咁篤計數機，但答案會唔同架噃，最後咪又係唔知答左咩咁囉。

最憎都係MC，我的運氣不嬲都唔好，睇野又經常睇錯，MC又通常好陰濕的，我可以順利答中的機會率只有五十，上次都係咁，今次都應該係咁，我有理由相信考試都係咁。但頂佢個肺，考試佢會出40分MC，即係話，我會無啦啦無左20分，唉！

放學約左輝輝，所以慢條斯理至離開校園，原來都有好多人黎接人放學架，真係令人羨慕。今晚秋高氣爽，有點涼意，行左好耐，算係邊等邊搵，不過都係搵唔到，左轉轉右轉轉，轉到人都熱埋就順便食左個蝦根大，溶到呢。

最後，我都去左牛頭角食左打冷，最好味都係辡酒煮花螺，但得好少lu。食完後，打冷的慾望仲係好強烈，不過都好開心，雖然，佢講左ｄ好唔開心既事。人大左，識既野多左，反而發現，唔明既事更加多。

番到屋企都成兩點，我又三點瞓。