今日遲左收工，唉！通常越唔想做都係越係要做架．．．呢隻反叛唔係我揀！就係因為遲左，去到搭車就送車尾，等左一陣黎左架相信特別為係乘車時不能吸煙既吸煙人仕而設既專車，真係頂你個肺，搭左咁多次都係第一次搭到架咁既車！上車唔夠十秒已經頂唔住，但無窗可開，點算．．．

開始係度諗做人仲乜要呼吸黎維持生命，人係照神既樣式做，咁神駛唔駛呼吸既呢．．．唔．．．我諗要，咁天堂一定要係非吸煙區，唔係點算！

講番正題，好在有香口膠，係呢個時候，真係無左香口膠會死！做廣告既可以度下呢條橋，全個車程我都係膠接膠，真係勁過ｄ人煙接煙咁食，其實ｄ人可唔可以食ｄ香ｄ既煙呢！唔健康都可以令人好受ｄ嘛，都唔知係我祟日定咩，日本ｄ煙好聞好多，加番ｄ士多啤梨蘋果橙味咁幾好呢！再唔係就薰衣草，可以寧神，人都無咁燥。