其實我想做咩呢！呢個問題唔止人地成日問我，我耐唔耐都有問自己，只不過都係果句啦，我想做果ｄ佢又唔會請我，我唔係好想做果ｄ就請囉，咁魚與熊掌既事咪繼續發生囉。

之前無意地見左份工，上到去其實我已經唔係好想係果度做，因為好似個死城咁，所有人塊面都好似刻左個灰字係額頭，無黎笑容又靜英英咁，仲要係都係呢行。如果佢一早寫明，我就唔會申請，其實真係無咩好，只係比到我好ｄ既人工，而我最欠既就係$$$，岩岩佢就打黎話firm我。

佢：你可以幾時返工？

我：我岩岩請左假．．．咁呢．．．（即係遲唔到職住囉！）

佢：你請到幾時呀？

我：２６號

佢：嘩）））））））））（佢真係好大反應咁嘩！）

我：你等唔到咁耐架呵！（好明顯唔想佢請我！）

佢：唔係既，你放緊假又無理由叫你打電話番去遲職架呵！

我：吾。

．

．

．

佢：咁我同公司商量下先啦！

我：好呀！

拿！如果佢咁都仲請我，我就聽天由命啦！