最近王貽興同少爺占出了「交換日記3」，我無睇過，基本上對王貽興同少爺占都無甚興趣，見到佢地總係有ｄ想打佢地兩鑊既感覺，不過王貽興其實係一位文學作家，呢方面我都幾服，因為可以係香港做呢樣野，敢係香港做呢樣野既人太少。

「交換日記3」令我諗起ｄ野，童年往事，至今我未忘．．．　．．．係好耐好耐之前，我就已經做過呢件無聊的事，同人交換日記，你寫一ｄ，我覆一ｄ，呀！都唔算日記，叫．．．交換雜記應該岩ｄ，因為都唔係日日會寫，總之就係一篇篇文章，正確ｄ黎講係一封封信咁，你寫一ｄ，我寫一ｄ，你覆下我，我又覆下你既軼事，都幾得意，而且超無聊，不過都係因為呢份無聊，令兩個人變得有一點點關連，將兩個人分別的回憶，連上了一條線，亦因為咁，友誼得以長存。

但係點解會有呢個行動呢？！係源於一本買完番黎唔知攞黎做乜好，但係又好靚好想買既簿，為左令佢變得有用，我同朋友就開始實行交換雜記的行動．．．，真係無聊到爆。