又發惡夢，今次輪到死人，次次都死．．．下次係咪到我？？

本來個夢都好地地，講我唔知做咩係街識到個uncle，佢算係遊客啦，咁我就做領隊咁陪佢週圍去，玩得好開心，跟住變得好熟絡，就同埋佢個仔／親戚／朋友，我都唔知佢係邊個，總之就後生仔一齊週圍去，初初都係好開心，點知突然話uncle有病，但係佢又好似無野咁要繼續週圍去，我地就陪佢週圍去，去到一度食野，食食下uncle突然盲左，病情急轉直下，uncle發晒脾氣，失去常性咁，我地都無晒辦法，一下子咩都唔同晒，如是者發生左好多野，第二日uncle就去左第二個世界，由話病都走只係兩日，就真係走左，好鬼down之下我走番屋企，途中見到ex，發夢都撞到佢！！，今次我有叫佢，雖然個人好唔開心，但係個樣就好開心咁同佢講左幾句，番到屋企，咁岩電視播某星演唱會，嘉賓就係uncle，原來佢話唔得閒果晚去左撐場，媽媽同我講呢位名人uncle既野，我話佢死左勒，媽媽以為我痴線，我話佢真係死左勒，一生風光，有名有利，死既時候咩都無，仲好慘。

瞓醒對眼好攰，仲咩成日夢到死呢！！我都無睇恐怖片！

虛空的虛空，一切都是虛空。