| «‹ September 2017 ›» | | S | M | T | W | T | F | S | | | | | | 1 | 2 | | 3 | 4 | 5 | 6 | 7 | 8 | 9 | | 10 | 11 | 12 | 13 | 14 | 15 | 16 | | 17 | 18 | 19 | 20 | 21 | 22 | 23 | | 24 | 25 | 26 | 27 | 28 | 29 | 30 |
|
2007 年 5 月 31 日 星期四  | |
感謝主  |
今日出門口番工見陰陰天，懶惰的我見到街上面一半人撐著傘，一半人無，咁即係唔算大雨啦，心諗：公司仲有把遮，就胆粗粗咁唔帶遮番工，點知落到樓頗大雨，上左車仲極大雨，如果落車都係咁，我實完全變雞．．．濕水雞！！！！諗起都大力搖頭，唯有求神，真係好！神仍然眷顧我，讓我做番個人，落車係完全無雨架∼
夜晚約左艾文佢地試衫，不過今次都唔係試啦，只係揀左隻色就算，我真係好難想像到出黎既效果會係點，仲有個粧啦，仲有個屎人頭啦，仲想要架車添，仲有．．． ．．．突然覺得應承做衫變左我既大難題添∼
今日全日呆滯，周董係咁撩我玩我都無咩反應，佢話：死勒，講笑都唔識添！其實我今日無咩野，真係只係呆啦，Ｄ藥明明只係寫住有睡意，但我就變左有呆意。下．．．係．．．哦．．．唔．．．我今日講得最多呢幾隻字。
好奇怪咁上左車，之後就開始落雨，又係頗大的雨，我又一次感謝主，然後睡著。
落車，回家，無雨，收到衰人醫貓，我再記起一次感謝主。
到底我幾時至肯講我願意呢？？？！！！呢個係今日的諗題。
我願承擔，我願承擔，緃然沉痛，愛是無限．．． ．．．
|
| 刊登時間︰2007-06-01 12:25 AM [ 編輯日誌 ] [ 分享至FACEBOOK ] |
|
