今日終於大小姐得閒睇戲，其實真係好攰，可以死得，不過講到今日唔睇無得睇勒喎！死就死啦。（所以我都唔明做咩唔一上就搵個時間睇）鬼叫大家都忙。

論畫功，真係同宮崎駿既大相徑庭，如果佢係宮崎駿的作品，可觀性一定強百倍，根本無得比，真係好想知邊個話事人決定用宮崎駿個名黎宣傳套戲。

不過除左畫功，成套戲真係好好睇，無咩冷場（除左佢係度跑果段），仲好好笑，講既都係老掉牙的那些道理，要珍惜啦，今日以為係唔如意的事，可能只係改變左少少，會有更意想不到的結果。不過，用的手法好讚，讓你自然會意會到。其實我一直都係好似真琴咁，呢ｄ叫做任性，我知道囉，但我已經唔係一個少女。

買飛的時候諗起一個人，睇既時候諗起同一個人，連完場的時候，都見到佢既影子，我地又係去果度食野Lu。

食完野，居然落大雨，唉！結果因為咁又攪到好夜至番到屋企，臨瞓至發現收到封信，唔好講笑，真係瞓唔著，就睇雜誌緩和下ｄ心情，又三點至瞓。