今日同媽媽去左海洋公園玩..呵呵！(難得的孝順哩）

嘩！今日超多人喎！唔知係咪因為十月加價呢去到門口果個壯觀情況簡直令人想掉頭走。

第一站：安安佳佳，盈盈樂樂。由安安佳佳入住左呢個人工安樂窩以黎，我去親熊貓館都見佢兩隻野唔到架，今次盈盈樂樂黎左，以為佢地細個ｄ會活躍ｄ，點知佢地兩隻野淨係瞓覺，仲瞓得好安詳，反而見到鬼死咁精靈的佳佳，坐到近一近咁係觀眾面前表演佢既絶技－食、食、食。真係超可愛架！

本來想試下坐熱氣球，不過多人到呢，要排兩個鐘喎！咁我地梗係．．．走人啦。

跟住坐吊車，去到另一邊，真係另一個世界，海洋館－無乜人，鯊魚館－無乜人，呢個時候最好玩野所有野至食野啦，可惜媽媽肚仔餓。我地搭正12:30就係灣景餐廳食野，都好多人等，哈哈，我地Book左呢，可以大搖大擺，超舒服。原來呢度ｄ野食都ｏｋ得。

我的餐單：前菜：蟹柳冷麵　<---新鮮蟹柳配超滑溜冷麵，好食！

　　　　　主菜：半隻雞配白飯　<---失望之作

　　　　　甜品：意大利芝士布甸　<---其實算好味，不過食食下覺得甜左ｄ

　　　　　飲品：熱0茶

媽媽的餐單：前菜：泰式木瓜絲沙律 <---唔明點解有煙三文/柚子蝦/凱撒沙律媽媽都唔揀,海哲都應該好食d啦

　　　　　　主菜：咖哩牛腩飯  <----媽媽激讚之選

　　　　　　甜品：鮮果燉蛋  <----香,但太甜

　　　　　　飲品：熱ｏ茶

食飽飽後，又回復人頭湧湧的時候，人潮已經湧到啦，所以跟住只係睇左海洋劇場，去左水母館，玩左幸福摩天輪＆滑浪飛船同埋買左ｄ無謂野，海洋公園一日的旅程就此告終。

P.S.　真係好想買隻狗狗氣球，得意到呢！好想拖住佢遊去園，哈哈，但係太白痴lu。