| «‹ July 2026 ›» | | S | M | T | W | T | F | S | | | | 1 | 2 | 3 | 4 | | 5 | 6 | 7 | 8 | 9 | 10 | 11 | | 12 | 13 | 14 | 15 | 16 | 17 | 18 | | 19 | 20 | 21 | 22 | 23 | 24 | 25 | | 26 | 27 | 28 | 29 | 30 | 31 | |
|
| ______ |
1-12-07
今日返學校打波"
原本PIG2都打,但佢唔舒服 小心身體*
行去建生等YOYO"
佢感冒比尋日嚴重左
雖然著住短衫短褲,但都係有D熱熱地.....
唔知咩事=3='
返到學校得津,
田徑踩哂d場"差d要去街場打
打到12:20,爽黎左搵我地
我地換衫,換完發覺唔記左隻錶,>3<
搵....搵....原來係出面,真係麻煩晉喇"
班男仔要返屋企換衫先出,
我,yo,爽行去凱都搵陳詩,
原本睇x愛既,但後尾睇[屍城30夜]
等埋男仔就去左吉野家食飯
then我,爽,yo,陳詩,朱仔,津妹睇,
晉,kim,龍去行街
津妹真係勁"一個人食情侶套餐"
邊個話屍城30夜無乜野架!!!!>3<
不知幾恐怖同嘔心
我由頭到尾都拎住個爆米花遮住"
重要多謝yoyo同津"thz*
睇完去左屯市行街"
行完就同陳詩搭車返屋企"
將個件事同她說了"但沒有令我心情好轉,反而重衰=_=
明天姜就走喇"所以今晚去左佢屋企聊聊天
真係有d唔捨得,唔知到聽日真係要送時會唔會喊呢?
2-12-07
今日8:30起身,同家姐,定,呀爸落樓下食早餐
then就3個返教會,
我地第一次試搭小巴然後轉的士睇下會唔會比直接飛的便
原來都差唔多既"
今日驚訝見到劉軒同埋miss chan"
1:00就返返富泰陪呀姜
點知佢話未咁快走住,
then去左M記搵瑜姐
6:00等埋瑜姐放工,一齊出左去屯市食飯
總共六個,有我,瑜,姜,芬,業,輝
各位朋友"膳坊唔建議大家去"真係好唔得掂!!!!hate"
食完就行街"買左miss wu本書,一枝好得意既筆同埋文文既生日禮物^^
同文文份生日禮物整形狀影相"KAI NO.1 is me -w-"
影返到富泰同呀姜講最後一聲再見喇..... byebye"
take care"
|
|
Bye Bye- Mariah Carey
THIS SONG GIVES TO YOU
I HOPE YOU UNDERSTAND ME KINDLY FEELINGS:] |
| 19號至23號去左消防訓練 |
e5日既感受等我將我既演講詞打出黎啦"係就係長左d"唔好見怪
各位教官,嘉賓,同學,你地好。我係宣道中學代表學生張秀娣。我地學校有40位中三級同學參加左多元智能躍進計劃而黎到元朗八鄉消防訓練學校進行5日4夜既訓練。記得係未黎之前,每個人既心好似限鹿咁,跳上跳落,我地根本唔知咩係消防訓練,加上聽左上屆同學既分享,係佢地既分享裏面,佢地將消防學校比喻為地獄,d教官會set好一連串既地獄式訓練,令到d同學好難消化。佢地既分享令我地既擔憂加重左一層,我地擔心自己可唔可以捱過全部既訓練而順利畢業。另一個憂慮就係同人地相處;雖然我地一齊讀書已經踏入第3年,但係其實我地一直都係好陌生既。
到左消防學校之後,我地見到好高既繩網,不禁令我地退縮左一小步;跟住我地換好衫就去到操場進行第一次既步操練習,由於第一次接觸,所以我地一時適應唔到,攪到d教官好傷腦筋;經過左兩個鐘既練習,終於到午飯時間。原來係好肚餓無論食咩都係人間美食,『就算咸魚白菜也好好味』享受當中卻令我地鬆懈左,因為我地無執返木台上面既飯餸同埋泊椅子所以俾人罰做掌上壓亦都係我地第一次俾人罰。經過左一日既訓練,我地已經開始覺得攰。
第二日,我地有一個沿繩下降既訓練,教官要我地背向沿崖面向青天沿住條繩落到崖底;唔可以望住自己要行既路個心真係有d驚,但好釆有同學之間既鼓勵,令我地都有信心同力量行下去。完成哂e個訓練之後,我地要四個一組入黑箱;(黑箱係一個好細既鐵皮屋,周圍黑漆漆,裏面有一條彎彎曲曲又勁窄既路)係e個遊戲令我地明白到原來真係要信任隊友先可以成事,我地亦係當中同友學開始建立友誼.係夜晚十一點,突然中央咪宣佈叫我地落去操場集隊,即係操夜車。e個突擊訓練真係令我地好辛苦,有唔少同學留下佢地係camp既第一滴眼淚。
第3日,今日我地要行山,全程13公里,約7小時。係出發前我地個個一聽日已經開始驚,因為頭兩日既訓練已經攪到我地周身骨痛,儀家重有13公里等住我地,真係唔到我地唔驚=_=。係岩岩開始行,個個既精神竟然好好,重有d同學唱歌振奮士氣,為同學加油。7個鐘話咁快就過去,大家全部都完成到,過程入面有人跌倒,有人哭過,但就無人放棄!!!!
第4日,我進行左一個叫「十二分鐘不斷跑」,當大家聽到十二分鐘既時候大半人已經打定輸數,覺得自己一定捱唔到,包括我自己。但十二分鐘瞬間已經過左,結果令人出乎意料,全部女仔既距離都超過1600米,all pass。雖然係跑既過程入面放棄既念頭不斷湧現,但就次次俾我地既意志打敗左。夜晚,有我地學校既校長同老師黎探我地,我地非常感動。原來我地已經不經不覺離開左學校四日喇...但我地已經慢慢開始習慣左e到既生活,覺得好充實而且又可以挑戰同鍛鍊自己。到左最後既師生夜話,我地已經唔驚同大家分享,而且將自己真正感受展露係大家既面前,有人覺得憤怒,有人覺得唔捨得,有人就希望大家俾d時間佢改變,亦都有人要發奮讀書.....每個人心裏面都有一個目標,大家都已經向住自己既目標進發,我希望大家都可以搵到自己既目標,目標係唔會走黎搵你而係你去搵目標。
今日係最後一日,大家即將離開,係到致以萬二分既謝意多謝各位教官對我地既容忍同教導,令我我地成長左好多,我地唔再係頑皮既學生而係學識自律,守時,整潔既學生。另外,亦要多謝友校屯門官立中學既同學,e幾日我地肩並肩闖過一關又一關既挑戰,係到多謝佢地對我地既包容同信任。多謝各位。
相**
 
  
  
 
 
 
 
 
|
|
Bye Bye- Mariah Carey
THIS SONG GIVES TO YOU
I HOPE YOU UNDERSTAND ME KINDLY FEELINGS:] |
« | 19 | 20 | 21 | 22 | 23 | 24 | 25 | 26 | 27 | 28 | ... | 119 | »
|
P0STIME: 2007-12-03 11:38 PM