今日遲到，自己７：５５分先出門．．
最後８：０８分返到學校．．
落住雨，比到好多感覺我，不過．．時間冇多，都冇咁得閒睇雨了∼

比人收左手冊，但係又唔見班主任比我，
就以為佢地唔記得啦，
不過都因為冇手冊既關係，
冇得寫低功課ｄ野同第２日要上咩堂咁，好麻煩！

返到ｈｏｍｅ．．幾早下既都，５點幾∼
但係冇電腦用了Ｔ．Ｔ
不過都唔緊要啦，但最後我都做左勁短時間做都市日報，
費事冇分比ｍｉｓｓ嘈∼
但自己好乖，冇上論壇同打日記．．
呀哥都唔會比啦！

食飯個陣，爸同媽竟然有傾計．．
有講有笑咁，真係嚇親我．．
好似有點不祥的預感＞＜

食完之後呢，８點幾，我就開始做ｐｈｙ啦∼
打左電話問人做邊之後就好努力咁做，
因為要做番上次既，所以足足做左４個鐘先做好－．－ｖ

不過都有２條唔識冇做到．．
覺得自己真係第１次咁乖乖咁認真咁做功課咁．．
因為應承左人？自己也不大清楚，
但係．．點都會盡力改好呢個壞習慣咖啦，應承左人就要做ｍａ∼！

之後．．
就執書包，唔想搞到第２日又遲到，
我呢ｄ咁既乖乖女點可以有個缺點係我既紀錄度咖，呵呵

另外呢．．我比學校提名左去ｊｏｉｎ一個教署咩資優學生增益計劃，
我選左”法醫及鑑証科學講座”，有得玩指模呀，去案發現場度學野咖！
有４堂既，其中一堂撞左我幫老人家家居清潔及油油個個，
諗住放棄做義工呢個，
但係呢．．點都睇左人地收唔收我先啦∼
全港得４０個位咖喳，都唔知分唔分到呢塊豬肉啦．．．