等我講返呢幾日比較深刻既事...

前日(星期四)...我個日返工途中...
有個同事見我成日咳...佢竟然話我有肺癆...
之後佢又見我未好番...佢竟然又話我有絕症...
我聽完之後好o哂嘴囉...又好無奈...
我咪即刻睥住佢囉...咒我死...=.="
佢之後話科技昌明...絕症都有救得番...
聽到這句話...我即時講唔出口...
因為我根本俾唔到咩反應佢...
佢只係話講笑...但我可以講d咩呢...
我咪只有苦笑囉...激死我啦...
唉...搞到我無時無刻都諗到呢件事...
煩死我啦...

昨晚(星期五)...
個晚小組開始前...
區長同阿盈叫我地3個入去...
講麗芳既事...當佢地講左麗芳既情況後...
心情難免會有少少低落既...
祈禱個時...我同suky有少少想喊...
之後反而平靜多了...因為唔會同為麗芳既事而擔心...
人有人既難關...但我知道你一定會戰勝既...
因為神與你同在...同埋我相信神會係你身邊指導你...
所以我唔會俾你再擔心我啦...我要為你而努力...
之後就正式開組...本來我唔係太記得個主題咩...
不過...我知幫人係唔應該計較回報...
或者唔應該計較該人既身分...
但我要學習唔怕蝕底去幫人...因為我做既並不足夠...
然後去答第二條問題時...我係唔係太明白問題所在...
及後聽佢地分享後...我大概知道問題所在...
我係個反面教財...因為我都係唔太鐘意聽人勸告...
而且我習慣獨來獨住...根本唔需要改變我自己...
自從我工作+返教會之後...加上自己年紀漸大...
心想...玩夠了...唔可以變番以前既自己喇...
唔再變的話...我會好後悔...
雖然係好困難...但我知神你會幫我(之前欺騙你無數次)...
這一次對我來講係認真的了...
講完之後...我有點想喊...但多謝你地的鼓勵...
之後係祈禱當中...發生一d笑料...^^
完左後...係apm食野...之後返屋企...
返到屋企涼都冇沖就訓覺囉...

今日(星期六)...我11點度起身...
沖完涼後去睇電視...之後轉台...先知有nba睇...
睇到1點3度...去黃大仙搵同事kelly個度聽佈道會...
我聽完覺得好好笑...
之後同kelly細佬佢地去摩士打波...
途中kelly過埋黎睇我地打波+打波...
打差唔多6點完...打到我好攰添...
今日既狀態好差...又好少打全場...
令己經好耐冇打波既我...打左一陣己經冇氣喇...
睇黎我要操返水準先得囉...
然後同kelly,佢細佬同佢另一個fd(但唔記得叫咩名)傾左一陣...
之後kelly話要傾一d野...所以我同kelly細佬3個一齊行+一路傾...
行到黃大仙mtr就散去...係我搭mtr途中...唔小心跌左免提...
但我算數...費時拎... 因為可能己經壞了...
但係會有少少失落既...心諗咁就冇左喇...= ="
幸運既係我條key同時跌個時...即刻執番...
如果唔係...我會冇得返屋企囉...

可能篇幅比較多...但願你地花少少時間欣賞啦...
同時留cm啦...