今朝8點幾起身~快d搞掂d野啦!我就最快搞掂野個個黎既!花花就sd sms我~過左陣我就落街去ok再去m記揾花花食早餐啦!媽咪

佢地好快黎啦~紹鳴&紹誼第一次去OP,所以紹鳴話要著靚d喎,真係比佢吹脹啦!我地9點50分上左969啦~大約10點幾就係金鐘落

車等排隊上車&等姑姐比飛我地啦!點知條隊好長,不過好快都上車啦~我地今日見到一個爆炸頭既外國人,,哈哈^^過左陣我地去到

OP啦! 我地第一站去"海洋摩天塔",  第二站去"鯊魚館","海洋館"......

第三站我就同花花去玩"過山車"...第一次玩...我同花花既心情好驚...但係驚又要玩...去到OP緊係要試下玩架啦...嘩卡卡**

玩完"過山車"...之後...我同花花都有少少頭暈暈...腳軟軟既feel...玩完就行去揾爸爸 媽咪 & 細妹佢地啦!食野呀ma...

玩完"過山車"之後嚇到我呀...媽咪仲話比番個膽比我...不過講真個句又幾exciting既...嘩卡卡**

第四站就同花花去玩"極速之旅"...要等成半個鐘...睇住人地玩...就好似覺得好易咁...但排隊排排下就好快到我地玩...係開始要升上

去果時...我係度諗其他野...因為真係真係好驚...我同花花一齊坐...緊係一齊坐啦!驚架ma...佢一路升上去我就同花花大聲咁叫...

係度叫"媽媽咪...好驚呀!!"不過佢升上又降落...我係度傻笑..又叫...不過好快都玩完啦~

第五站就同花花 紹誼去左玩"飛天千秋"...而爸爸 媽咪 & 紹鳴就排隊玩"摩天輪"...我地好快就玩"飛天千秋"啦!

一坐左上去"飛天千秋"果張凳度...我地就開始玩啦~ 一路玩紹誼又唔知佢笑麥喎...搞到我又笑...呵呵,,不過都好開心~本身我地想

玩多次架...不過唔夠時間啦!我地3個玩完"飛天千秋"就過去"摩天輪"度玩啦~我同紹誼&花花坐一架車...我地係度望風景&影相...

第六站我地就去左"海洋劇場"啦...d海豚&海獅好得意架...我地大約5點10分就走啦~

第七站爸爸佢地就去左"水母館"啦...而我同花花就去睇"紋身"...我就陪花花等啦...畫完之後...就同花花去坐纜車去海洋公園正門揾

媽咪佢地啦~我一見到媽咪佢地就諗住行去睇"安安&佳佳"...點知佢地兩個要訓覺...搞到我地好好失望...仲諗住同佢地影張相啦...

唉...算數!! 第八站就去"恐龍館"...果度d驚嚇聲都好得人驚...我地仲影左相添...我地沿途行緊"恐龍館"好得人驚...

我地3個都驚到叫...紹鳴真係好驚...結果要爸爸抱住佢黎行...我地仲去左"蝴蝶屋"...過左陣我地就搭車走啦~

p.s. 今日係好好好開心既一日~雖然有d機動遊戲未玩...不過唔緊要...我同花花講過一定會再去多次海洋公園度玩既...到時要叫多d

       人一齊去玩架...咁先至開心架ma!!