今日返早上九點半至晚上七點半，返左半日已經好眼訓啦！臨尾o個幾個鐘真係好難捱。

首次和part time的maggie patrol....我同佢一個鐘內一句話都講過。平時我一向覺得佢好似幾高傲咁，我根本唔太敢同佢談天。今日patrol我冇主動同佢講野，佢又冇主動同我講野。我唯一一次patrol係咁靜架咋。乎合圖書館的要求吧！patrol不可同同事談天。

放工了，個個同事都要返屋企食團年飯，但我就因為阿媽要返工，所以提早吃團年飯，所以今晚很得閒，但其他fd和kelvin又唔得閒陪我。tommy咁岩又唔駛食團年飯，所以就可以陪我。

我o地去左九龍灣看左套「魔幻王國」，本來想叫多d人，但冇人得閒既！但呢套戲真係好好睇呀！tommy冇介紹錯喎！嘻嘻！好正。之後去左吃飯，同佢談左好多野，佢仲攞左部nds玩o個隻game比我看，隻game真係好得意喎！好像叫森林xyz...忘掉了...

同佢談起一個問題！「自己總會遇到一d特別關心的人，是人夾人緣的間題。但又唔好意思表現出來，因為怕對方唔領情，所以收埋起心。」其實，關心人係一個好簡單的動作，但人大了總會諗好多野既。有時毫無保留去關心一個不相干的人，可能有反效果。

哈！新年新希望，大家新年快樂唷！