d同事今日返黎lu，我都安心d。唔駛獨自應付d麻煩電話。

不過我真係想練好d口材，等simon返黎時我多d同佢講多d野先，反正佢咁talk得。

買左d半打盒裝木瓜牛奶飲，真係又香又滑呀~~~好味道。

放工同嘉文去吃雲南米線，d米線真係好好味，不過我好似冇乜胃口咁既！

阿媽真係=_=""""，常常問d我唔想答既野，煩！

有時很累的時候，只想靜下。

如果工作環境係有宿舍，我都想住宿舍，但呢度係香港，唔係大陸。

雖然我害怕寂寞，但我更怕的是----煩。

其實我真係好想同嘉文去旅行架~~~超想。

昨晚由書架找了一本由梁望峰寫的台灣旅遊書出來看。越看越過癮。梁望峰寫的旅遊書真係幾好睇架！邊看就像自己也去了旅行似的。我想買佢o個本"香港鬧市遊遊蕩"。因為我其實香港好多地方都未去過。唔知會唔會有d好好玩的地方。

自細就好渴望去旅行，因為我非常好奇又貪玩。

我遲早都會四處去旅行，我要同我心愛的人四處去。

我要將日記版裝飾得靚d先得。

今日兩位同事都返廠做野，得我一個起office。

由二時到五時四十五分，比兩個客狂吹攞文件，但廠上d貨又仲未可以"走"。有一個客最後仲光火罵人了。其實呢d情況起工作上好常見，但我唔太慣應付，初初比佢吹到有d心驚，但之後諗番起都冇乜野lu。

我第一次要打咁多電話同聽咁多電話。

晚上同中央圖書館的同事聚會，八中人中只有一個還有圖書館工作，其他的有的轉工，有的去了唸書，有的待業。

去左間cafe野，間cafe裝飾得幾靚，但d野好難食呀..又貴喎！凍到爆，好彩阿康借左件衫比我穿咋。

坐坐下好眼訓。

今日陣生返黎，佢話全部掛牌都要寫返大陸批號，咁都有道理既！真係方便d。我將架上全部衫都攞落黎寫番，做到有d累呀。

放工同以前pk的同事偉仔食飯。阿珍放飛機。但偉仔帶左佢個fd黎(都唔記得佢叫乜名，以下用x黎代表吧！〉

x同偉仔都幾似樣呀！同樣都係靚仔。但x個樣就有d似女人，而且d頭髮仲長長o地。

x做merchandiser的，是出口一些名brand手袋，佢做左三年啦！

佢真係好talk得，全程多數都係佢在說話。而偉仔就好少講野呀！佢起度扮哂思考型成功男士既o個副"諗"樣。

我都想做個talk得既人。talk得的人賺錢最叻架！

去左必勝客食野，講真我不太喜歡食pizze和意粉之類的，但見佢o地咁想去我都冇野講lu。

其實我好想做個口材好既人架！工作上真係吃香好多。

今日小複好痛，人又累，頭又暈暈o地喎！鳴鳴鳴~~~~

d藍莓乾好好味，我一下子就將50g的藍莓乾食哂啦！下次等我買多d先得。其實新鮮藍莓的營養價值可能仲高呀！不過就唔可以擺太耐囉！

返返下工唔太舒服，所以問同事袁先生可唔可以幫我買少少野，佢一口答應了，佢真係好『人屎』。他還買了d朱古力番黎，包括樂家杏仁糖，金莎同一包唔知乜叉的朱古力。好好味呀~~~~~~~~

五時左右好似冇咁唔舒服了，所以晚上就可以同嘉文去街了。

去了葵芳，o個度真係好多衫賣呀！我想買一件高領的米色薄身長樓，因為覺得好型，但始終都係冇買到呢！因為d款多，花多眼亂。嘉文叫我買衫唔駛咁心急，慢慢睇。但咁大個靚仔起我旁邊，吸引哂我的注目，我好難集中精神睇衫的。哈哈，所以就快快速速睇完同你去食野好過。

我睇返可以睇好耐架！下次如果再黎就慢慢看個夠吧！

嘉文比d佢以前既相我睇，佢ive時代個樣幾靚仔，而中五時代就似豬頭。呵呵！我就問佢攞左一張半靚仔半豬頭的相。

我想剪短少少d頭髮，方便冬天............

今日好得閒。

睡到十一點半先起身，但毎人依然好累咁！

睇左集「美妙人生」，幾好睇。

去左圖書館攞預約書，我已有一年半沒踏入過x魚涌的圖書館啦！因為之前做中央館可以常看書。見到圖書館就有點想念之前的工作。

我借的是懷鈺的兩本小說，我覺得佢寫d野幾好睇架！又幽默喎。

在圖書館坐下看書時就收到剛踢完波的嘉文電話。

借完書就去pk買野食lu.....買左豬肉條，口香糖、杏仁糖等！回家慢慢食。

睡午覺，半睡半醒的，覺得個人好累。

本來答應阿河去陪他睇擋的，但我都冇力去呀！

下午阿媽買左下午茶。但不太好味=_=""

去買左d藍莓乾，聽說對眼睛有益的，貪得意所以就買來試試。又幾好味咁！酸酸的 。