海鷗^@^夢想起飛
你開心就好
seabird : 個人主頁 - 相簿 - 訂閱  [ QOOZA - 論壇 - 登入 ] 人氣：12372
2006 年 1 月 4 日  星期三   晴天


@.@ 滿足 分類: 未分類

今日仲係好唔舒服，頭好痛。

上午同阿君上爆架書，我在上英文100時，看到不少心理學的書..有d好似幾好睇咁.....好想好想去唸心理學。

同阿君談了點心事。談到某些事情，我心裏忽然有點難過。

我個新袋條拉鍊爛左呀，自己又整唔返......只係用左兩日咋...好心痛.......唉.....

我心裏有D野係放唔低......係時候要去解決了..不過...後果自負啊！當呢件事告一段落，就係我離開HKC的時候了.....
發表時間：2006-01-04 11:05 PM  [ 訪客留言(0) ] [ 編輯日誌 ] [ 分享至FACEBOOK ]


2006 年 1 月 3 日  星期二   晴天


生病了 分類: 未分類

今日發燒，好辛苦啊

今日開工前有briefing.....李小姐在說話時，當我聽到背後有開門的聲音便回頭看看，看到剛換了新髮型的alan....剪得很短，有點像得意的馬騮仔，很有趣....我忍不住笑了起來，李小姐問有甚麼好笑，我有點尷尬，立刻想收起笑容， 但想忍就覺得越好笑，所以笑足兩分鐘。

我覺得自己有點沒禮貌，館長在briefing我卻在傻笑。

我不是想笑alan的頭髮，因為其實根本沒甚麼好笑，沒有甚麼特別。我在笑自己很無聊.......笑甚麼笑 ...sorry啊...

吃完飯後我開始胃痛，好辛苦。好彩係做counter咋。edmond見我唔舒服，請左粒薄荷糖我食..話食左可能會好d..好搞笑呀佢。

頭很暈...很難才捱到收工.....

生病的時候..是很想有人關心自己..

 
發表時間：2006-01-03 10:52 PM  [ 訪客留言(2) ] [ 編輯日誌 ] [ 分享至FACEBOOK ]


2006 年 1 月 2 日  星期一   晴天


好傻啊今天 熱情 分類: 未分類

以為今日要返工，返到中央圖書館先知原來今日係a更放假。比ivy等人笑。

不過不要緊..約人去旺角行街街。如果比我早知今日係放假..我又會話返冒險樂園o個邊架，我份人都唔想比自己放假的，做死自己做死自己。既然今日有意外假，就放鬆一下去shopping吧...哈哈....

終於買了新袋了..棕色的格子袋來的.....之前那個已經穿了一個洞。

買了新game "donkey kong country 3"，隻猩猩好得意，隻game好好玩唷！

又起度看飾物了，點解我咁鍾意飾物架..見到它們我隻眼都在發光。每次看到我至愛的孖蜻蜓介子，都有一種很特別的感覺。呢個design真係好靚。呢個型的蜻蜓耳環，遲點我會買。

回家途中好餓啊！個胃有D痛，我周身唔舒服，趕著回家吃東西。吉林打左兩次黎，說話又吞呑吐吐咁，仲好似聽不到我說話咁。我無氣重複了，佢婆婆媽媽咁....爽快點收線啦！

發表時間：2006-01-03 10:24 AM  [ 訪客留言(0) ] [ 編輯日誌 ] [ 分享至FACEBOOK ]


2006 年 1 月 1 日  星期日   晴天


返工 滿足 分類: 未分類

今日要返冒險樂園..好多客呀！忙死人了。一日都做左三萬幾蚊生意。

d客起度狂拍機，主任起度狂暴粗..佢d對白好搞笑，我就起旁笑到停唔倒口。

見到得意的bb起度玩...我就情不自禁咁去撩下佢....第時我都想生個得意的bb...... 嘻嘻...

同事阿澄話佢既生活過得好無聊..........日日都好悶....我本來想諗d好話去安慰她的，無奈我十分認同佢的話..我也時時覺得好悶好悶咁..好冇目標..之前我就係為呢樣野唔開心架啦！不過之後我學會"一笑置之"。我喜歡說笑話。我想令身邊的人開開心心。

唔寫了..去打機.......hehe

 
發表時間：2006-01-01 11:30 PM  [ 訪客留言(0) ] [ 編輯日誌 ] [ 分享至FACEBOOK ]


除夕夜 愉快 分類: 未分類

今日係十二月三十一號....

今日同我一起patrol那條友話我知..lcci level 3那條證書都可以去做會計師助理的...那我一定要比心機去考。考左先算，做唔做得成係另一回事啦！

放工同班同事睇四眼雞丁，雞丁仔好得意呀！傻更更咁...套戲我幾有感覺。『別人的不明白，不想令父母失望的心，努力去證明自己。』

之後去打邊爐，一開始我就好肚餓 ，望著d未熟既野食眼金金咁。唏！我至愛打邊爐了。阿河喝醉了起度胡言亂言咁..我懶得理佢..一向我都對佢冇乜好感。

阿康都飲左好多，都係我...不停咁攞酒佢飲，點知佢真係去飲哂佢，之後見佢好似唔好舒服咁既樣，我有點過意不去，所以同edmond都送佢番屋企。點知阿威同大佬都一起去喎！咁我o地五個同事就一起倒數了。

五，四，三，二，一...新年怏樂 新的一年，無論發生甚麼事，我也要努力活在其中。yeah...祝我的朋友都快快樂樂！吉林，我們要過得比去年更好啊！大家都要加油！

tommy比左盒孖寶兄弟的game boy advance我玩，好野！好開心呀！晚上佢仲send左個message比我，問我好似有點不開心咁既...其實我只是在想念一個人，所以先會咁既樣！

哈..tommy真係關心我，抵我認佢做阿哥喎！可以識倒佢真係好！

回家時，Edmond 主動話送我回家，哈...原來佢係咁有風度喎！而阿威都黎贈興。

 
發表時間：2006-01-01 10:20 AM  [ 訪客留言(2) ] [ 編輯日誌 ] [ 分享至FACEBOOK ]


« | 81 | 82 | 83 | 84 | 85 | 86 | 87 | 88 | 89 | 90 | »
seabird
暱稱： 海鷗
性別： 女
國家： 香港
地區： 東區
«‹ June 2026 ›»
SMTWTFS
123456
78910111213
14151617181920
21222324252627
282930
最新文章
•2010-05-13
•2010-04-11
•2010-03-21
•2010-03-07
•2010-02-21
文章分類
•全部 (446)
訪客留言
最近三個月尚無任何留言
每月文章
日誌訂閱
尚未訂閱任何日誌
好友名單
尚無任何好友
網站連結
尚無任何連結
最近訪客
最近沒有訪客
日誌統計
文章總數： 446
留言總數： 54
今日人氣： 14
累積人氣： 12372
站內搜尋
RSS 訂閱
RSS Feed