今日返屋企本來打算訓一陣, 因為下午有個interview, 自己唔知做咩, 輾轉反側都訓唔到, 咁下午去interview, 唉!!!本來我打算做早班的manager, 點知俾個衰人搶左去…咁只有去中班啦, 因為夜班都沒有manager, 如果有, 我一定去, 今日同老闆對話, 我係對話之中都知道老闆係一個點既人? 我都幾滿意佢既答案, 但係唔知真係run起上來, 到時先見真章

返到屋企, 想爭取時間訓多一下, 點知又係訓唔到, 我想我真係可能有失眠, 整到自己皮膚差左好多, 連好多客人都話自己攪咩, 攪到自己咁殘….

晚上我要打運作管理計劃書, 發覺雖然自己平時係咁做, 不過真係唔知原來有咁多野做, 咁多野打…我覺得管理計劃書, 好似training notes咁, 因為要由淺入深, 係管理上, 我老闆係呢行的新手…所以要係工作上解釋俾佢知…唉, 我覺得自己似做緊老師, 多過manager….

其實真係好唔開心, 因為老闆要我做中班, 同埋要我train咁多個新人…

今天晚上返工, 因為自己好累, 唔想行, 所以想試下等巴士, 真係有好多預料之外的事情發生, 同埋真係好驚, 因為返左青衣咁耐, 我都係第一次搭巴士, 平時都係搭機鐵, 我唔係好care遲到,反而我好怕會有排行….仲有就係我第一次有感覺是孤獨無援