今日計劃北上, 不過去之前都要On plaining去左湊細佬先, 因為要知道佢今日係學校發生咩事, 去到學校, 佢班主任唔係度, 不過佢有兩個同學係度, 我去到的時候, 佢地已經埋堆係度傾野, 唔知傾咩, 我禮貌地叫個兩個同學唔好同細佬講野, 因為佢係留緊堂, 語氣已經有懇求的成份, 不過俾其中一個串我, 話我係鐘意同細佬傾呀, 點呀? 好….你咁串, 你做初一, 我做十五, 其實我唔係計較佢的說話串緊我, 而係想講, 細佬係旁邊, 佢咁講野, 我唔做番D野, 我點可以控制細佬呢? 所以等我北上回來我先同佢算賬….
已經收到風聲話電子煙唔可以賣, 不過詳細情況就唔係好知, 約左兩個客交收的, 不過佢地好似仲緊張過我, 好在我入的貨不是太多, 唔係都唔知點死, 我地計下, 已經清哂, 仲唔夠賣…
之後北上本來想找一間酒店可以有網上的, 點知, 個個電腦部專業人員話可能係我的LAN線位有問題, 我XXXX佢, 我剛係香港都上到, 不過佢的ADVICE仲攪笑, 叫我係前台上網, 呢個ADVICE, 我想應該係今年最攪笑的事….不過我一定要知究竟發生咩事, 上去酒店已經九點幾, 等到11點新聞, 餓住等….個一個鐘真係超級難頂….知道發生咩事, 就出去食飯, 打邊爐, 加BBQ, 加煲仔飯, 化悲憤為食量….
個天就係咁, 有時會幫下你, 有時又會整下你, 平常心, 所以我都唔係太介懷, 反正商機既野你要找一定會找到,問題係睇你肯唔肯?
|
