等呢日BBQ都等左成2個月, 上兩次去都去唔成, 今次終於去到了....

今日燒烤成5點鐘先去, 因為貪無咁熱, 不過最後都係出左成身汗, 本來準備定好多食物, 買哂番屋企之後又覺得二個人邊食到咁多, 就用左個牛雜佬的方法, 用兩個碟分開個份量, 之後再GROUP埋一齊醃, 咁就唔會多左好多.....

片裝芝士焗青口, 應該係我食咁多次最成功的一次, 因為我事先用水拖過, 就咁吃都無問題....但係加埋芝士吃又係另一種風味, 燒到最後天都黑哂, 伸手不見5指個種, 成個BBQ區都係得我地兩個人....又無燈, 個個感覺好似係孤島咁....

好在我有帶電筒, 唔係真係領野......其實呢D都係我預計之內, 仲有落雨, 所以我帶埋雨傘....

今晚搵聖安娜搵左成個鐘, 原來係廣華醫院隔離....唉...去到已經關門了....下次先拎...