打風唔使返工, 我想打工一族無人唔想, 不過如果唔係打工的, 又有無想過呢個問題…..

我就係呢種人, 原來唔使打工, 一打風真係可以悶到死, 今朝一早起左身就八號風球, 想出街食野又唔知有無開, 好在爸爸係出面行街, 可以搵佢做炮灰…哈哈, 佢都係順便, 唔會介意既….八號風, 多數大公司都會要返工, 由其係生活必須的, 因為我自己做過大集團, 所以呢一點我最理解了~~

中午係出面食完野, 就好想找一些攪作, 本來想去睇浪…點知一番到屋企…..

就俾人捉住要執屋, 好耐都無大執屋, 屋企就算過年都唔會執屋, 大家懶得就懶, 今日打九號風, 邊度都無得去啦….所以呢個就成為媽咪的好好借口….咁我就做左一日苦力了, 今日執屋主要係執雜物房, 入面既野多係我地中學時的東西, 仲有去旅行時買回來的手信…

執屋先知仲有好多有用既野, 原來之前死搵難搵的東西, 係上次執屋的時候, 收收埋埋, 點知….咁多年都無用到….真係哂料, 今日搵到好多coins bag, 唔使買了…又可以慳番…..