今朝都係等到10點都未見我家姐叫我起身, 本來係心入面想定今日食咩燒味飯...尋日食左燒肉, 今日不如食雞, 不過姐話呢排禽流感,唔好食雞喎...如果我食雞分分鐘俾人隔離...但係食叉燒又唔係好想....燒鴨又成日食...唉都唔知食咩好~~之後入定水放入雪櫃, 周圍搵樽, 點知俾佢聽到我行上行落, 叫左我整早餐...又蝕左俾佢....

今日一邊食早餐, 一邊講呢一餐可能係今日第一餐, 亦都係今日最後一餐, 果然講中左....到3點幾先做好哂d野, 食左個蜜糖瓜...呢種果都係第一次食, 都唔知咩叫蜜糖瓜, 外型好似西瓜, 不過未一切過入去都唔知咩樣, 點知開左都係紅肉的....仲以為味道有咩唔同...原來同西瓜一樣, 不過就好甜....

晚上做完野出去ken屋企, 拎左好多野, 原來有一半係佢家姐, 終於見到...完全唔係想像中咁...好難想像一個生左bb既女人可以咁瘦....不過慢慢睇清楚...個外型真係好似,食飯左揀右揀, 最後都係去左打邊爐.....今晚食飽飽就可以返屋企訓覺了.....今次的勞改又再告一段落了....