今日早上做些私事, 都已經知道個結果, 咩程序都已經知道哂, 所以人地問我係唔係之前做過, 我無出聲, 我想講我係網上面可以查到好多我想知既事, 包括程序, 既然要發生的事, 點唔想佢都已經發生左~~

忙完左上午的事, 下午同左成屋企人入左錦繡, 今日主要入黎係爸會帶人入黎打價, 我地之前教爸爸點黎, 佢之前個車場係度, 就好串咁話唔使我地教, 自己都識搭車黎, 我地就知道佢一定到時打的...我地就講左出黎,絕對無做過後軍師?點知真係打的, 唉...唔知係唔係老人家都係咁, 放唔底樽鹽?聽下人地講咪唔會蝕底, 雖然今次都唔係咩錢, 不過佢就係唔聽我講, 所以今日我成日都同呢件事串佢...

講番今日整屋...個個裝修佬係我地同鄉, 點知佢仲惡過我, 意見仲多過我地呢d屋主, 又話整拱形唔靚, 又話假天花一定要整平成間屋, 半邊唔得架...大佬...間屋係我既, 我點整都要你決定, 不過你俾錢我...點解我仲要俾錢你呢?

谷鬼氣, 本來想早點出黎, 開車開到元朗迴旋處有車炒左, 好辛苦先搵到個地方轉左西鐵, 不過都係遲到, 見到呀瑜, 佢個人好似無哂力咁, 唔知係唔係擔泥呢?不過都好慘架啦, 病左仲要返工, 返工仲要捱, 不過襯後生, 可以捱點解唔去做?無咩可以做到, 所以只可以同佢食餐飯, 聊下天....講下開心野, 唔開心既就唔好講啦.....講左只會梗加唔開心....