尋日行行企企又一日,  覺得如果以後都要咁落去, 上課時的熱情一下子就COOL DOWN左....好快就唔會有興趣返工...唉, 一下子就好灰了, 或者呢一種叫3分鐘熱度, 不過我真係好鐘意係機場見到飛機升降, 呢個可能係我留番底的唯一原因吧~~

今日聽到一個好消息, 就係我終於可以調部門了, 好似有一線希望再次出現咁...

本來以為今日會有好有挑戰性的事做, 點知....又上堂, 連埋今日第十三日上堂了, 不過好開心, 見番training個時的同學仔, 3天好像已經一個世紀咁耐, 有左久別重逢的感覺....呵呵, 又可以柴蛙蛙咁....

最正係今日考試個時, 個考官話去洗手間, 擺明放水, 不過最攪笑係我旁邊個個...搵唔到答案, 俾佢吹漲....借埋俾佢抄.....仲要我讀俾佢聽, 真係想煎巴佢...

聽日返中, 所以有時間同瑜去掃下街, 好在呀勇同我調, 唔係返早真係死俾佢睇, 4點起身, 依家都一點啦, 4點起身, 即係唔使訓, 如果下次好似今日咁炒更, 我就係t1度訓算了, 理鬼佢咩公司聲譽.....